Read Hakha Chin BIATHLAM 14 Bible Online

BIATHLAM 14 - Hakha Chin bible

BIATHLAM 14

¹Khua ka hun zoh i Zion Tlang i Tuufa a dir ko kha ka hmuh; a sinah cun mi sing khat sang li le thong li an um i cu hna cu an cal i amah min le a Pa min khenhmi kha an si.

²Cun tisor nganpi thawng bantuk le khuari thawng bantuk a simi aw pakhat kha vancung in ka theih. Cu ka theihmi aw cu tingtang tum thiammi nih tingtang in aw dawh an tummi bantuk a si.

³Sing khat sang li le thong li hna cu bawiòhutdan le saram nung pali hna le upa hna lei hoih khan an dir. Vawlei cungin tlanh a simi hna lawng nih an thiam khawhmi hla thar kha an sa.

⁴Annih cu nu he um òi loin thiang tein a ummi an si; nu le pa sinak a hngal lomi an si. Tuufa kha a kalnak kip ah an zulh. A tang rihmi minung hna lakin tlanhmi an si i Pathian sin le Tuufa sinah pekchanh hmasa bikmi an si.

⁵Lih an chim bal lo, palhnak zeihmanh an tuah lo.

⁶Vawlei cung mi vialte, phun kip, ram kip, holh kip le mi kip sin i thanh awk a simi, zungzal Thawngòha aa phorh i vanlai i a zuangmi vancungmi pakhat kha ka hmuh.

⁷Aw thang piin, “Pathian kha òih u law a lianhngannak kha thangòhat u. Zeicahtiah amah nih minung vialte bia a ceih hna lai caan kha a phan cang. Van le vawlei le rili le tiput a sertu kha bia u,” a ti.

⁸Vancungmi pahnihnak nih pakhatnak kha a hun zulh i, “Minu cu a ril cang! Babilon khuapi cu a ril cang. A zu cu mi vialte kha a pek hna i a dinter hna § cu a zu cu a hornak zu òhawng kha a si,” a ti.

⁹Vancungmi pathumnak nih hmasa pahnih hna kha a hun zulh hna i aw fak piin, “Sahrang le a milem a bia i a hmelchunhnak kha a cal ah siseh a kut ah siseh a ngeimi paoh nih cun,

¹⁰Pathian zu, a thinhunnak zu, a thinhunnak hrai chung i ti cawh hrimhrim loin thletmi kha an din lai. Cu a dingmi vialte cu vancungmi mithiang hna le Tuufa hmaiah, mei chung le kat chungah, hrem an si lai.

¹¹A hremtu hna mei a khu cu zungzal in a kai zungzal ko. Sahrang le a milem a biami le sahrang hmelchunhnak a ngeimi hna caah cun, chun zongah zan zongah lungdaih hnangamnak zeihmanh a um ti lo.

¹²Pathian mi hna, Pathian nawl a ngai i Jesuh cungah zumh awk tlak in khua a sami hna nih cun, hi zawn ah hin in khawhnak an ngeih awk a hau.

¹³Cun vancung in aw pakhat ka theih i, “Hihi òial tuah: Khrih zumh bu tein a thimi cu lunglawmmi an si,” a ti. Cun Thlarau nih, “A si hrimhrim lai. An rianòuanmi nih khan a zulh hna lai i rian an òuannak cun an i din cang lai,” tiah a leh.

¹⁴Cun khua ka hun zoh i khuadawm rang pakhat ka hmuh, cu cungah cun minung he aa lomi kha a òhu, a lu ah sui bawiluchin aa chinh i a kut in a harmi faah pakhat aa put.

¹⁵Biakinn khan a dang vancungmi pakhat a chuak i khuadawm cung i a òhumi cu fak piin a auh i, “A caan a cut cang caah na faah kha hmang law facang kha at tuah; vawlei cung rawl cu òuan a cu cang,” a ti.

¹⁶Cun khuadawm cung i a òhumi nih khan vawlei ah a faah cu a vun hei i rawl cu a òuan.

¹⁷Cun vancung biakinn chung khan vancungmi a dang pakhat a chuah kha ka hmuh òhan i amah zong nih cun a har ngaingaimi faah aa put ve.

¹⁸Cun vancungmi dang pakhat, mei uktu a simi kha biakòheng khan a ra. A har ngaimi faah aa putmi vancungmi kha fak piin a hei auh i, “Na faah kha hmang law mitsur kha an hmin cang caah mitsur lo i a ummi mitsur kha òuan hna,” a ti.

¹⁹Cucaah vancungmi nih khan a faah cu vawlei ah a vun hei i mitsur ruang mitsur thei kha a òuan hna i Pathian thinhunnak mitsur nennak chungah khan a thlak hna.

²⁰Mitsur thei cu khuapi leng i a ummi mitsur nennak ah khan an nen hna i mitsur nennak chung cun thisen a chuak i khan za hnih a luang i pe nga tluk a thuk.