Read Hakha Chin BIATHLAM 16 Bible Online

BIATHLAM 16 - Hakha Chin bible

BIATHLAM 16

¹Cun biakinn khan aw thangpi pakhat nih vancungmi pasarih hna cu, “Va kal u law Pathian thinhunnak kanto pasarih kha vawlei ah va thle hna u,” tiah a ti thawng kha ka theih.

²Vancungmi pakhat cu a kal i a kanto cu vawlei ah khan a bungh. Sahrang hmelchunhnak a ngeimi hna le a milem a biami hna kha òih a nung ngaingaimi le a fak ngaingaimi hmachia nih a tlunh hna.

³Cun vancungmi pahnihnak nih a kanto cu rili ah a bungh. Ti cu mithi mi chungin a chuakmi thisen bantuk ah a cang i rili chung thilnung vialte cu an thi dih.

⁴Cun vancungmi pathumnak nih a kanto cu tiva le tiput cungah khan a bungh i thisen ah an cang dih.

⁵Ti a uktu vancungmi nih cun, “Hi na tuahmi biaceihnak ah hin na ding ko, maw a Thiang Mi, atu i a um liomi le hlan i a rak um cangmi Pathian!

⁶Pathian mi hna le profet hna kha an thi an rak chuah hna caah nangmah nih annih cu din awkah thi kha na pek ve hna. Annih nih hmuh awk i an i tlakmi kha an hmuh ko,” a ti.

⁷Cun biakòheng khan aw pakhat a rak chuak i “Bawipa, Lian Ngan Bik Pathian, na biakhiahnak cu a dingmi le a hmaanmi an si taktak,” tiah a ti thawng kha ka theih.

⁸Cun vancungmi palinak nih a kanto kha ni cungah a bungh i ni cu mi kha khanghnak nawl a hmu.

⁹Ni lin nih cun mi kha a kangh hna i hi hremnak cung i nawl a ngeitu Pathian min kha an thang chiat. Asinain an sualnak kha an mertak duh lo i Pathian lianhngannak kha an thangòhat duh lo.

¹⁰Cun vancungmi panganak nih a kanto cu sahrang bawiòhutdan cungah khan a bungh. Sahrang pennak ram cungah khan muihnak a tlung ciammam i fahnak an inmi kha a fah tuk caah an lei kha an i seh,

¹¹cun fahnak le hmachia an in ruangah khan vancung Pathian cu an thangchiat. Asinain an lam òhalo kha an kaltak hlei lo.

¹²Cun vancungmi paruknak nih a kanto cu Zufrates tivapi cungah a bungh. Tiva cu a kao i nichuahlei in a rami siangpahrang hna caah khan lam a rak awnter.

¹³Cun thlarau thur pathum, utlak a lomi kha ka hmuh hna; limkeng kaa chung le sahrang kaa chung le nal profet kaa chungin an hung chuak.

¹⁴Annih cu khuachia thlarau, khuaruahharnak a tuah khomi kha an si. Cu thlarau pathum hna cu vawleicung khuazakip ah khan an kal i vawleicung siangpahrang vialte kha an pumh hna. Cu bantukin hmunkhat ah an pumh hna cu, Lianngan Bik Pathian ni lianngan ni ah pakhat le pakhat i do hna seh ti caah a si.

¹⁵“Ngai hmanh, mifir bantukin ka ra lai. Zapi lakah taklawng in an vah nakhnga lo le ningzak in an um nakhnga lo, hngilh lo tein a rak um i a hnipuan òha tein a rak i fimhlawmmi cu, lunglawmmi an si,” a ti.

¹⁶Cun thlarau hna nih khan siangpahrang cu hmunkhat ah an pumh hna i cu hmun cu Hebru holh in Armageddon ti a si.

¹⁷Cun vancungmi pasarihnak nih khan a kanto cu thlitu lakah a bungh. Biakinn chung bawiòhutdan khan aw thangpi pakhat a ra chuak i, “A dih cang!” tiah a ti.

¹⁸Nimtlau a lek, khua a ri, òek a tla i òihnung ngaingai in li aa hnin. Minung ser hramthawk in cu bantuk lihnin cu a um bal lo; lihnin vialte lakah lihnin fak bik a si.

¹⁹Khualipi cu cheu thum ah a kuai i ram vialte cu an khua kha an rawk dih. Pathian nih a liannganmi Babilon kha a philh lo i a hrai chung zu kha a dinter § a thinhunnak zu kha.

²⁰Tikulh vialte kha an lo dih i tlang vialte zong kha an lo dih.

²¹Rial ngan pipi, pawng za khat tiang a ritmi kha van in minung cungah an tla. Cun mi nih rial in hremnak an in ruangah cun Pathian kha an thangchiat, an inmi hremnak cu a fak hringhranmi a si ko.