Read Hakha Chin BIATHLAM 17 Bible Online

BIATHLAM 17 - Hakha Chin bible

BIATHLAM 17

¹Cun vancungmi pasarih lak i pakhat, kanto aa putmi kha ka sinah a ra i, “Ra law, rilipi cungah bawinu òhut in a òhumi hlawhhlangnu milianngan nu kha, zeitindah dantat a si lai, ti kha kan hmuhsak lai.

²Vawlei cung siangpahrang hna nih hlawhhlangnu milianngan nu he cun sualnak an tuah i a sualnak zu an dinnak cun vawlei cung mi cu an ri dih,” a ti.

³Thlarau nih khan a ka tlaih i vancungmi nih khan thetse ram ah a ka kalpi. Cuka ah cun nu pakhat, sahrang sen cung i aa citmi kha ka hmuh i cu sahrang cu a tak khat in min òhalo aa òial; cu sahrang nih cun lu pasarih le ki pahra a ngei.

⁴Nu cu maimaw le puansen in aa thuam i sui hlawn le lungvar le pale lungvar in aa òamh. A kut in sui hrai pakhat aa put i cu sui hrai cu fihnung le òeifiak in a khat, cu fihnung le òeifiak cu a sualnak theitlai kha an si.

⁵A cal ah min pakhat aa òial i cu min cu sullam hleng a ngei. Cu min cu, “A liannganmi Babilon, vawlei cung hlawhhlangnu vialte le sual thurnak vialte nu,” ti a si.

⁶Cun cu nu cu, Pathian mi hna thisen le Jesuh cungah zumhawktlak in an um ruangah thahmi hna thisen a rit kha ka hmuh. Amah ka hmuh tikah ka khuaruah a har tuk hringhran.

⁷Vancungmi nih cun, “Zeicahdah na khuaruah a har? Minu sullam le aa citmi sahrang, lu pasarih le ki pahra a ngeimi sullam cu kan chimh lai.

⁸Na hmuhmi sahrang kha hlanah cun a rak nung, asinain atu cu a nung ti lo, rawhralnak a phak hlanah dongh hngal lo khor chung khan a hung chuak lai. Vawlei cung i khua a sami, vawlei ser hlan in nunnak cauk chungah an min a rak i òial lomi hna nih khan, sahrang cu an hmuh tikah an khuaruah a har lai, zeicahtiah voi khat cu a rak nung, atu cu a nung ti lo, asinain a hung chuak òhan lai.

⁹“Fim le hngalhthiam a hau. Lu pasarih hi tlang pasarih, nu a òhutnak tlang pasarih kha an si. Cun siangpahrang pasarih zong kha an si fawn.

¹⁰Panga cu an ril cang, pakhat cu atu hi siangpahrang a si lio a si i a dang pakhat cu a ra rih lo; a rat tikah caan tlawmte lawng a um lai.

¹¹Cun hlan i a rak nung i atu i a nung ti lomi sahrang kha, siangpahrang pariatnak a hmasa pasarih bu chung i aa tel vemi kha a si i rawhralnak phak awkah a hung chuak.

¹²“Ki pahra na hmuhmi kha siangpahrang pahra, uknak hram aa thawk rih lomi, sihmanhsehlaw sahrang he suimilam pakhat chung uk òi dingin nawl pekmi an si.

¹³Hi pahra hna nih hin an dihlak in tinhmi pakhat an ngei i an òhawnnak le an nawl ngeihnak cu sahrang kha an pek.

¹⁴Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

¹⁵Vancungmi nih cun a ka thawh òhan i, “Hlawhhlangnu a òhutnak rilipi na hmuhmi kha miphun hna le ram hna le holh hna le mi hna an si.

¹⁶Ki pahra na hmuhmi le sahrang nih khan hlawhhlangnu kha an huat lai i a ngeihmi vialte kha an chuh dih lai i taklawng in an chiah lai; a sa kha an ei lai i amah cu mei in an khangh lai.

¹⁷Zeicahtiah Pathian nih a chimmi bia kha a tlin hlantiang cu, Pathian nih aa tinhmi tuah duhnak kha an lungthin chungah a chiah i cucaah lungnge tein rian an òuan i uknak nawl an ngeihmi kha sahrang cu an pek.

¹⁸“Nu na hmuhmi cu vawlei cung siangpahrang hna a uktu khualipi kha a si,” a ti.