Read Hakha Chin BIATHLAM 18 Bible Online

BIATHLAM 18 - Hakha Chin bible

BIATHLAM 18

¹Khi hnuah vancung in vanmi dang pakhat a run kha ka hmuh. Nawlngeihnak a ngan ngaingaimi a ngei i a sunparnak nih vawlei cu a ceuh dih.

²Fak piin a au i, “Nu kha a ril cang! Babilon Khualipi kha a tlu cang. Khuachia le thlarau thur nih an umhnawh cang i a thurhnawmmi le fihnung a simi vate a phunphun in a khat cang.

³Zeicahtiah a zu kha mi vialte a pek hna i a dinter hna § a hornak zu òhawng kha a dinter hna. Vawlei cung siangpahrang hna nih amah he cun nu le pa sualnak an tuah i aa sum lomi a hornak nih cun vawlei cung khuazakip chawlet pawl kha a rumter hna,” a ti.

⁴Cun vancung in aw pakhat ka theih òhan i, “Ka mi hna, chuak tuah u, Amah chung khan chuak tuah u! Sualnak a tuahmi ah khan i tel hlah u, Dantatnak a hmuh ding zong kha i hrawm hlah u.

⁵Zeicahtiah a sualnak cu van tawng in aa pong i Òhat lonak a tuahmi kha Pathian nih a philh lo.

⁶Amah nih a rak in tuah hna bantukte khan amah cu tuah òhan ve u; a let hnih in cham u, Nanmah din awkah a rak tuahmi a let hnih òhawng khan, Amah din awk cu a hrai chungah khan serpiak u.

⁷Sunparnak le nuamhnak amah le amah a rak i pek zat te khan, Temhinnak le ngaihchiatnak pe ve u. Zeicahtiah aa thawh i, Keimah cu bawiòhutdan cung i a òhumi siangpahrang bawinu ka si. Nuhmei ka si lo, ngaihchiatnak cu ka ing bal lai lo, a ti.

⁸Hi ruangah hin hremnak nih khan ni khatte ah an tlakphuat lai, rai le ngaihchiatnak le mangòam nih khan a tlakphuat lai. Amah bia a ceihtu Bawipa Pathian cu a òhawngmi a si caah Amah cu mei in khangh a si lai,” a ti.

⁹A sualnak le a hornak chungah aa bual vemi vawlei cung siangpahrang hna nih khan a kanghnak meikhu cu an hmuh tikah khuapi cu an òah lai.

¹⁰Temhnak a inmi kha an òih caah a langhlat piin an dir i cuka cun an i thawh i, “Òih a hei nung hringhran dah! Mi tuksa a hei pur hringhran dah! Babilon khualipi, khua lianngan le khua òhawng! Suimilam pakhat chungah na rawk dih ko!” an ti lai.

¹¹Vawlei cung chawlet pawl zong amah a rawh ruangah cun an òap i an ngaih a chia, zeicahtiah an thilri kha ahohmanh nih an caw ti hna lo;

¹²an sui, an ngun, an lungvar, an rili lungvar, le la hmangòhia in tahmi thilri puan sen, pu, maimaw; cun thingrua theihtlei in sermi thil phun zakip, vui ho le thing man sung in sermi thil phun kip,

¹³nakzik le musala le zihmui le mura zihmui le frankinsen zihmui le zu le chiti le changvut le facang le caw le tuu le rang le rangleng le sal le minung hmanh kha ahohmanh nih an caw ti hna lo.

¹⁴Chawlet pawl nih cun an thawh i, “Ngei ning ti i saduh na rak thahmi vialte kha an lo dih cang i na rumnak le na sunparnak vialte cu an liam cang; zeitikhmanh ah na hmu òhan ti hna lai lo,” an ti.

¹⁵Cu khuapi chung i chaw a rak dawr tawnmi mirum hna nih khan, a temhinnak cu an òih caah a langhlat piin a cuanh in an cuanh lai. An òap an ai lai i

¹⁶“Khua lianngan kha zeitluk in dah òih a nun cang. Zeitluk in dah mi tuksapur a si cang. Puan hmangòhia le puan sen le maimaw in a rak i thuam tawn i sui hlawn le lung mansung le rili lungvar in a rak i òamh tawn.

¹⁷Sihmanhsehlaw suimilam pakhat chungah a chawva vialte cu an lo dih ai!” an ti lai. Rili lawngcawng bawi vialte hna le khual tlawngmi vialte hna le tilawng rianòuantu vialte hna le rili cung rianòuannak in a paw a cawmmi vialte hna cu lamhlatpi in an dir i

¹⁸a kanghnak meikhu kha an hmuh tikah, “Hi khualipi bantukin a liannganmi khua a um bal lo,” an ti.

¹⁹An lu ah lei dip an i phulh, an òap an ai i, “Khua lianngan kha zeitluk in dah òih a nun cang. Zeitluk in dah tuksapur a si cang. Rili cungah lawng in chaw a letmi vialte hna nih amah rumnak thawngin mirum an rak si dih. Asinain suimilam pakhat chungah a chaw vialte cu an lo dih ko ee,” an ti.

²⁰Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

²¹Cun a òhawngmi vancungmi pakhat nih facang rialnak lung nganpi tia a simi lung pakhat kha aa cawi i rili chungah a hlonh, “Hi bantuk hin Babilon khualipi hi i let luahmah in hlonh a si lai i zeitikhmanh ah hmuh òhan a si ti lai lo.

²²A chung i a rak um tawnmi tingtang tum thiam hna le aw dawh tum thiam hna le thonglawi tum thiam hna le muko tum thiam hna nih an tum tawnmi aw kha zeitikhmanh ah theih òhan a um ti lai lo. A chungah rianòuantu an um ti lai lo i facang rialnak thawng kha theih a um ti lai lo.

²³A chungah meiinn ceu a um ti lai lo; nupi òhi tlangval le va ngeimi ngaknu conglawmhnak thawng zong a um ti lai lo. A chung i a rak ummi chawlet pawl cu vawlei cung ah a òhawng bik an rak si i hlennak mitleh thiamnak in vawlei cung mi vialte kha an hlen dih hna,” a ti.

²⁴Profet hna le Pathian mi hna kha a chungah an thisen an chuah hna caah Babilon cu dantat a si cang; asi, vawlei cungah thah a simi vialte hna an thisen cu amah chungah cun hmuh an si dih!