Read Hakha Chin BIATHLAM 19 Bible Online

BIATHLAM 19 - Hakha Chin bible

BIATHLAM 19

¹Cu hnuah cun vancung i a ummi mibu nganpi aw thawng bantuk ka theih i, “Pathian cu thangòhat ko u. Khamhnak le sunparnak le lianhngannak cu kan Pathian ta an si.

²A biaceihmi cu dingte le hmaan tein a ceih. Vawlei a hornak in a thurhnawmhtertu hlawhhlangnu milianngan nu kha sual a phawt cang. Pathian sal kha a thah hna caah Pathian nih dan a tat cang,” a ti.

³Cun an au òhan i, “Pathian cu thangòhat ko u. Khualipi khanghnak mei a khu cu zungzal in zungzal tiang a kai ko,” an ti.

⁴Upa kul le pali hna le saram nung pali hna nih khan an kun i bawiòhutdan cungah a òhumi Pathian kha an biak i, “A men! Pathian cu thangòhat ko u,” an ti.

⁵Cun bawiòhutdan khan aw pakhat a rung thang i, “Kan Pathian sal vialte hna le a mi vialte hna le amah a òihmi vialte hna, a hme a ngan in, kan Pathian cu thangòhat tuah u,” a ti.

⁶Cun mibu nganpi aw bantuk, tisor nganpi thawng bantuk, khuari thawng bantuk a simi aw pakhat kha ka theih. “Bawipa, Lianngan Bik, kan Pathian cu Siangpahrang a si caah, thangòhat ko u!

⁷I lawm u si law i nuam u sih; a lianngannak cu thangòhat u sih! Zeicahtiah Tuufa nupi òhit caan cu a phan cang i a òhit laimi ngaknu cu aa tim cang.

⁸Aa thuamhnak dingah, puan hmang òhia a thiang i a cer in a cermi kha pek a si cang,” an ti. (Puan hmangòhia cu Pathian mi hna nih ding tein rian an òuanmi kha a si).

⁹Cun vancungmi nih cun a ka thawh i, “Mah hihi òial tuah: Tuufa nupi òhitnak puai i sawmmi hna cu milunglawm an va si dah!” a ti. Cun vancungmi nih cun, “Hi bia hi Pathian bia ngaingai an si,” a ti fawn.

¹⁰Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.

¹¹Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.

¹²A mit cu meizik bantuk an si i a lu ah bawiluchin tampi aa chinh. A cungah min pakhat aa òial, asinain amah dah ti lo nih cun zei a si ti kha ahohmanh nih an hngal lo.

¹³Aa aihmi puan cu thi aa neh dih. An auhnak a min cu “Pathian Bia” ti a si.

¹⁴Vancung ralkap bu nih khan rang rang cungin an zulh i puan rang in an i thuam.

¹⁵A har ngaingaimi nam pakhat a kaa chungin a hung chuak i cu nam cun miphun vialte kha a tei dih hna lai. Annih cu thirfung in a uk hna lai i Lianngan Bik Pathian thinhunnak mitsur nennak chung mitsur kha a nen hna lai.

¹⁶A puan le a ke ah, “siangpahrang vialte Siangpahrang le bawi vialte Bawi,” tiin aa òial.

¹⁷Cun nika chungah vanmi pakhat a dir kha ka hmuh. Van i a zuangmi va vialte kha aw fak piin a auh hna i, “Ra tuah u, Pathian nih rawl danghnak nganpi a ser laimi ah cun i pum tuah u.

¹⁸Siangpahrang hna le ralbawi hna le ralkap hna le rang hna le rangcung ralkap hna le sal hna le miluat hna le mingan hna le mihme hna, an dihlak in, an sa cu rak ei tuah hna u,” a ti.

¹⁹Rang cung i aa citmi le a ralkapbu kha doh awkah sahrang le vawlei cung siangpahrang hna cu an i pum.

²⁰Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

²¹Rang aa citmi kaa chungin a chuakmi vainam nih an ralkap vialte cu a thah dih hna i an sa cu va vialte nih an i serh.