Read Hakha Chin BIATHLAM 20 Bible Online

BIATHLAM 20 - Hakha Chin bible

BIATHLAM 20

¹Cun vanmi pakhat vancung in a rung òum i dongh hngal lo khor tawh le cikcin nganpi aa put kha ka hmuh.

²Rulhreu, limkeng kha a tlaih i kum thong khat a hren § cu limkeng cu Khuachia, asiloah, Satan kha a si.

³Vanmi nih cun dongh hngal lo khor chungah khan a thlak i kum thong khat kha a dih hlantiang, mi kha a hlen khawh ti hna nakhnga lo, a hrenh i ca a khenh chih. Cu hnuah cun tlawmpal chuah a si te lai.

⁴Cun bawiòhutdan hna le a cung i a òhumi hna kha ka hmuh hna; annih cu biaceihnak nawl kha pek an si. Jesuh nih a phuanmi biatak le Pathian bia an chim ruangah thahnak a ingmi thlarau hna zong kha ka hmuh hna. Sahrang kha an bia lo, a milem zong an bia lo, an cal le an ban zongah sahrang hmelchunhnak kha an ngei lo. An hung nung i Khrih he cun siangpahrang bantukin kum thong khat chung uktu bawi an si.

⁵(Mithi mi a dang cu kum thong khat a dih hlan kha cu an nung lo). Mah hihi mithi thawhter an si a hmasa u cu a si.

⁶Hi mithi thawhter an si a pakhatnak i aa telmi hi cu lunglawmmi le thluachuak hringhranmi an si ko. Thih voi hnihnak nih an cungah nawl zeihmanh a ngei lo; annih cu Pathian le Khrih tlangbawi an si lai i Khrih he cun kum thong khat chung uktu bawi an si lai.

⁷Kum thong khat kha a dih tikah Satan cu thong chung khan chuah a si lai i

⁸vawlei kil li ah aa òhekmi miphun vialte kha hlen awkah aa thawh lai, cu hna cu Gog le Magog kha an si. Satan nih cun i tuk awkah a pumh ciammam hna lai i rili kam thetse zat an si lai.

⁹Vawleicung khuazakip ah khan an i òhek i Pathian mi hna umnak hmun le Pathian nih a dawtmi khua kha an kulh. Sihmanhsehlaw van in mei a rung tla i a thah dih hna.

¹⁰Cun annih a hlengtu hna, Khuachia kha, mei le kat tili chungah khan an paih, cuka cu sahrang le nal profet an rak thlaknak hna kha a si; cuka ah cun chunzan in zungzal hrem an si zungzal ko lai.

¹¹Cun bawiòhutdan raangpi le a cung i a òhumi kha ka hmuh hna. A cung i a òhumi hmaika cun vawlei le van kha an zaam i an um ti lo.

¹²Cun mithi mi kha, a ngan he a hme he, bawiòhutdan hmai i an òhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa òialning khan an bia an ceih hna.

¹³Cun rili nih a chung i a thimi kha a hun chuah hna. Thihnak le mithi khua zong nih khan, an hrenmi mithi kha an hun chuah ve hna. An dihlak in an tuahning cio khan an bia an ceih hna.

¹⁴Cun thihnak le mithi khua cu mei tili chungah khan an paih hna. (Hi mei tili hi thih voi hnihnak cu a si).

¹⁵Nunnak cauk chungah an min aa òial lomi paoh cu mei tili chungah cun an paih hna.