Read Hakha Chin BIATHLAM 21 Bible Online

BIATHLAM 21 - Hakha Chin bible

BIATHLAM 21

¹Khi hnuah van thar le vawlei thar kha ka hmuh hna. Van hmasa le vawlei hmasa kha an lo cang i rili kha a um ti lo.

²Cun Khua Thiang, Jerusalem thar kha Pathian sinin vancung in a rung òum cu ka hmuh, va ngei lai ngaknu nih a va ding ton awkah aa òamh bantuk khin aa òamh.

³Bawiòhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.

⁴An mitthli vialte kha a hnawh dih hna lai. Thihnak a um ti lai lo, ngaihchiatnak le òahnak le fahnak zong a um ti lai lo. Thil hlun vialte cu an lo dih cang,” a ti.

⁵Cun bawiòhutdan i a òhumi nih cun, “Atu cu thil vialte kha a thar in ka ser dih cang hna,” a ti. A ka thawh i, “Hi bia hi òial hna, zeicahtiah ahmaanmi le zumhawktlak a simi bia an si,” a ti.

⁶Cun aa thawh i, “Rian ka lim dih cang. Kei cu Alfa le Omega, hramthawknak le donghnak ka si. Tihal paoh nunnak tiput ti kha man loin ka dinter hna lai.

⁷Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.

⁸Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

⁹Vancungmi pasarih hna lak i pakhat, hremnak hmanung bik pasarih in a khatmi kanto pasarih aa putmi kha ka sinah a ra i, “Ra hmanh, Tuufa nupi, va ngei lai ngaknu cu kan hmuhsak lai,” a ti.

¹⁰Thlarau nih cun a ka tlaih i vancungmi nih khan tlang sangpi pakhat par ah a ka kaipi. Cun Jerusalem, Khua Thiang kha Pathian sinin vancung in a rung òum kha a ka hmuhsak.

¹¹Cu khua cu Pathian sunparnak in a cer. Khualipi cu lung man sung, jasper lungvar bantukin a tleu i thlalang bantukin a fiim.

¹²Kulhnak vampang nganpi a sang ngaimi pakhat a ngei i cu kulhnak vampang ah cun kutka hleihnih an um i cu kutka hleihnih cu vancungmi hleihnih nih an cawngh hna. Cu kutka ah cun Israel mi phun hleihnih min kha an i òial.

¹³Kam khat ah kutka pathum cio an um: nichuahlei ah pathum, thlanglei ah pathum, chaklei ah pathum, nitlaklei ah pathum an si.

¹⁴Khua kulhnak vampang cu lung pahleihnih cungah bunh a si i cu lung pahleihnih cungah cun Tuufa lamkaltu pahleihnih hna min kha an i òial.

¹⁵A ka chawntu vanmi nih cun khuapi le a kutka hna le a vampang tahnak ah sui in sermi tahnak fung pakhat aa put.

¹⁶Khuapi cu tungvangpalh a si, a tung le a vang aa can ceote a si. Vanmi nih khan khuapi cu tahnak fung khan a tah i a tung khan thong khat le za nga a si, a vang zong a tung can cu a si i a san zong a tung can òhiamòhiam cu a si.

¹⁷Vanmi nih khan vampang zong cu a tah i amah nih a hmanmi tahnak ningin dong za sawm li pali a sang.

¹⁸Vampang cu jasper lungvar in ser a si i khuapi cu sui thiang in ser a si i thlalang fim in a fim.

¹⁹Khua kulhnak vampang hram cu lung man sung a phunphun in an òamh. A tang nung bik lung cu jasper lungvar a si, a pahnihnak cu safaiar lungvar a si, a pathumnak cu agate lungvar a si, a palinak cu emeral lungvar a si,

²⁰a panganak cu oniks lungvar a si, a paruknak cu karnelian lungvar a si, a pasarihnak cu khrisolaih lungvar a si, a pariatnak cu beril lungvar a si, a pakuanak cu topaz lungvar a si, a pahranak cu khalsedon lungvar a si, a hlei khatnak cu tarkhua lungvar a si, a hleihnihnak cu amethist lungvar a si.

²¹Kutka hleihnih cu rili lungvar hlum pipi hleihnih an si, kutka pakhat ah lungvar hlum pakhat a si ko. Khuapi chung lam cu sui thiang a si i thlalang bantukin a tleu.

²²Khuapi chungah cun biakinn ka hmu lo, zeicahtiah a biakinn cu Lianngan Bik Bawipa Pathian le Tuufa kha a si.

²³Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

²⁴Vawleicung miphun zakip nih a ceunak thawng cun kalnak an hmuh lai i vawlei cung siangpahrang hna nih cu khuapi chungah cun an chawhlawn kha an ratpi hna lai.

²⁵Khuapi kutka cu chunnitlak in an i hung zungzal ko, zeitikhmanh ah an i khar lo, zeicahtiah khika ah zan a um ti lo.

²⁶Miphun vialte nih an lianhngannak le rumnak cu, cu khuapi ah cun an rak put lai.

²⁷Sihmanhsehlaw a thurhnawmmi cu khi khua chungah ahohmanh an lut kho lai lo; ningzah awk thil a tuahmi hna le lih a chimmi hna zong ahohmanh an lut kho lai lo. Tuufa nunnak cauk chung i an min aa òialmi lawnglawng cu khuapi chungah cun an lut kho lai.