Read Hakha Chin BIATHLAM 22 Bible Online

BIATHLAM 22 - Hakha Chin bible

BIATHLAM 22

¹Vancungmi nih cun nunnak tiva zong a ka hmuhsak, cu tiva cu Pathian le Tuufa bawiòhutdan hram in khuapi laifang ah a rung luangmi a si i thlalang bantukin a fiim.

²Cu tivakam ah cun nunnak thingkung cu a um i kum khat ah voi hleihnih, thla khat ah voi khat lengmang thei a tlai; cun a hnah cu miphun vialte hna caah damnak a si.

³Pathian nih chiat a serhmi thil paohpaoh cu cu khua chungah cun an um kho lai lo. Pathian bawiòhutdan le Tuufa bawiòhutdan cu khuapi chungah cun a um lai i a rianòuantu hna nih khan an biak lai.

⁴Annih nih a hmai an hmuh lai i a min cu an cal ah aa òial lai.

⁵Zan a um ti lai lo i meiinn siseh, ni ceunak siseh, an herh ti lai lo, zeicahtiah Bawipa Pathian cu an ceunak a si lai i annih cu siangpahrang bantukin uktu zungzal in zungzal tiang an si lai.

⁶Cun vancungmi nih khan a ka thawh i, “Hi bia hi biatak an si i zumhawktlak an si. A Thlarau kha profet hna a petu Bawipa Pathian nih, tuante ah a tlung zau ding thil kha a sal hna hmuhsak awkah, a vanmi kha a run ka thlah,” a ti.

⁷Cun Jesuh nih, “Ngai hmanh, ka ra zau lai. Hi cauk chung i aa òialmi profet bia a zulmi cu lunglawmmi an si,” a ti.

⁸Keimah Johan nih hi thil vialte hi ka theih hna i ka hmuh hna. Cun ka theih hna i ka hmuh dih hna tikah, hi thil vialte a ka hmuhsaktu vancungmi ke hram ah cun ka bawk i biak ka zalh.

⁹Sihmanhsehlaw a ka thawh i, “Tuah hlah. Kei zong nangmah bantukin sal ka si ve ko; na unau profet hna le hi cauk chung i aa òialmi bia a zulmi na unau hna bantukin sal ka si ve ko. Pathian tu bia ko,” a ti.

¹⁰Cun hitihin a ka ti, “Hi cauk chung i aa òialmi profet chimchung bia hi a thli in i chiah ko hlah. Zeitintiah hi thil vialte cu a tlin lainak caan a nai cang.

¹¹Miòhalo cu òhat lonak kha tuah lengmang ko seh, fihnung a simi cu fihnung kha tuah lengmang ko seh, miòha a simi cu òhatnak kha tuah lengmang ko seh, mithiang a simi cu thiannak kha tuah lengmang ko seh,” a ti.

¹²Jesuh nih cun, “Ngaihmanh, ka ra zau lai. Mi kip an rianòuanning cio ah pek awkah ka laksawng cu ka rak i put lai.

¹³Kei cu Alfa le Omega kha ka si, hmasa bik le hmanung bik, hramthawknak le donghnak ka si,” a ti.

¹⁴An puan kha thiang tein a su i nunnak thingkung theitlai ei khawhnak nawl le khuapi kutka chung luhnak nawl a ngeimi cu lunglawmmi an si.

¹⁵Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

¹⁶“Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.

¹⁷Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.

¹⁸Keimah Johan nih hi cauk chung i aa òialmi profet bia a theimi paoh kha ralrinnak kan pek hna: hi bia ah ahohmanh nih bia dang a chap ahcun, hi cauk chungah aa òialmi hremnak kha a dantatnak ah Pathian nih a chap lai.

¹⁹Cun hi cauk chung i aa òialmi profet bia kha azeihmanh a hlawmi cu, hi cauk chungah aa òialmi nunnak thingkung theitlai a co hnga ding le Khua Thiang chung i um venak a co hnga ding cu Pathian nih a lakpiak lai.

²⁰Hi thil vialte hi ahmaan dih tiah tehte a khaangtu nih, “Tuan ah ka ra hrimhrim lai,” a ti. Cu bantuk cun si ko seh. Bawipa Jesuh, ra ko cang!

²¹Nan dihlak cungah Bawipa Jesuh vel cu um ko seh. Amen.