Read Hakha Chin BIATHLAM 4 Bible Online

BIATHLAM 4 - Hakha Chin bible

BIATHLAM 4

¹Hi dih hin langhnak a dang pakhat ka hmuh òhan i vancung ah khin innka pakhat aa hungmi kha ka hmuh. Cun hlan deuh ah ka rak theihmi aw, muko aw bantuk a simi kha, a hung thang i, “Hika ah hin hung kai law, hi dih hin zeidah a um lai ti kha kan hmuhsak lai,” a ti.

²Thlarau nih cun khulrang in a ka tlaih. Cun vancung ah cun bawiòhutdan pakhat a ummi a cungah cun mi pakhat a òhut kha ka hmuh.

³A hmai cu jasper lungvar le karnelian lungvar bantukin a tleu i bawiòhutdan velchum ah cun emeral lungvar mui a kengmi chuncha kha, aa zel.

⁴Bawiòhutdan cu a velchum in bawiòhutdan dang kul le pali nih an kulh i cu bawiòhutdan hna cungah cun, puan rang aa aih i sui luchin aa chinhmi upa kul le pali an òhu.

⁵Bawiòhutdan cun nimtlau aa lek i khuari thawng kha a thang. Bawiòhutdan hmaiah cun meifar vanmi pasarih an um i cu hna cu Pathian thlarau pasarih kha an si.

⁶Bawiòhutdan hmaiah cun thlalang fim bantuk a simi rili a um. Bawiòhutdan cu a hnulei, a hmailei le a sirlei veve in saram nung pali nih an kulh i cu saram hna cu hmailei he hnulei he mit in an khat.

⁷Saram nung pakhatnak cu chiandeih he an i lo, pahnihnak cu cawfa he an i lo, pathumnak cu a hmai minung hmai bantuk a si, palinak cu a zuang liomi mupi bantuk a si.

⁸Saram nung pali hna nih cun thla paruk cio an ngei i an chunglei he an lenglei he mit in an khat. Chunzan in hlasak an ngol lo i: “A thiang, a thiang, a thiang, Lianngan Bik Bawipa Pathian cu, Amah cu a um cangmi le a um liomi le a um laimi a si,” an ti.

⁹A nungmi saram pali nih cun bawiòhutdan cung i a òhumi, zungzal in zungzal tiang a nungmi cu, sunparnak le upatnak le lawmhnak hla in an thangòhat.

¹⁰Cu bantukin an thangòhat tikah upa kul le pali kha bawiòhutdan cung i a ummi hmaiah cun an kun i zungzal in zungzal tiang a nungmi cu an biak. An suiluchin kha bawiòhutdan hmaiah cun an chiah hna i,

¹¹“Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti.