Read Hakha Chin BIATHLAM 5 Bible Online

BIATHLAM 5 - Hakha Chin bible

BIATHLAM 5

¹Bawiòhutdan cung i a òhumi nih cun cazual pakhat a orhlei kut in aa put kha ka hmuh i cu cazual cu a chunglei he a lenglei he aa òial dih i cakhenh pasarih in an khenh chih.

²Cun vancungmi pakhat a òhawng ngaimi kha ka hmuh i cu vancungmi nih cun, “Ahodah cakhenhnak phoih awk le cazual samh awkah aa tlak hnga,” tiah fak piin a ti.

³Sihmanhsehlaw cu cazual a phoih i a chung a zoh khotu cu vancung ah siseh, vawleicung ah siseh, vawlei toiah siseh, ahohmanh an hmu kho hna lo.

⁴Cu cazual cu phoih i a chung kha a zoh khotu dingah aa tlakmi ahohmanh an hmuh khawh hna lo caah fak piin ka òap.

⁵Cu tikah upa pakhat nih khan a hun ka chawnh i, “Òap hlah! Zohhmanh, Judah phun chungin a chuakmi Chiandeih, David tefa milianngan nih khan, teinak a hmuh cang i cakhenhnak pasarih kha a phoih khawh hna i cazual kha a kau khawh,” tiah a ti.

⁶Cun Tuufa pakhat, bawiòhutdan laifang ah a dir i saram nung pali hna le upa hna nih an kulh kha ka hmuh. Tuufa cu an rak thahmi si dawh a si. Ki pasarih le mit pasarih a ngei i a mit pasarih cu Pathian nih vawlei cung khuazakip ah a thlahmi Pathian thlarau pasarih kha an si.

⁷Tuufa cu a va kal i bawiòhutdan cung i a òhumi orhlei kut i cazual kha a va lak.

⁸Cu ti a va lak ahcun saram nung pali hna le upa kul le pali hna kha Tuufa hmaiah cun an kun. Pakhat nih tingtang pakhat cio le zihmui a khatmi sui kheng pakhat cio an i put, sui kheng chung zihmui cu Pathian mi hna thlacamnak kha a si.

⁹Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

¹⁰Kan Pathian rian tlangbawi bantukin a òuantu dingah siangpahrang phun ah na ser hna i Annih nih vawlei cu an uk lai,” an ti.

¹¹Ka hun zoh òhan i vancungmi a rel in rel cawk lomi aw thawng kha ka theih. Annih cu bawiòhutdan le saram nung pali hna le upa hna velchum ah khan an dir i

¹²fak piin hla an sa i, “An thahmi Tuufa kha, Lianhngannak le rumnak le fimnak le òhawnnak le upatnak le sunparnak le thangòhatnak hmuh awkah aa tlak,” an ti.

¹³Cun vancung i a ummi le vawlei cung i a ummi le vawlei toi i a ummi le rili chung i a ummi thilnung vialte nih, “Bawiòhutdan cung i a òhumi le Tuufa cu, thangòhatnak, upatnak, sunparnak le òhawnnak kha, An cungah zungzal in zungzal tiang um ko seh,” tiin hla an sak kha ka theih.

¹⁴Saram nung pali hna nih khan, “Amen,” tiin an rak leh hna i upa hna cu an kun i an biak.