Read Hakha Chin BIATHLAM 6 Bible Online

BIATHLAM 6 - Hakha Chin bible

BIATHLAM 6

¹Cun Tuufa nih cakhenh pasarih chung i pakhatnak a phoih kha ka hmuh. Cun saram nung pali hna lak i pakhat nih khan khuari thawng bantuk a simi aw in, “Ra,” a ti kha ka theih.

²Ka hun zoh i rang rang pakhat ka hmuh. A cung i aa citmi nih cun likuk pakhat aa put i amah cu bawiluchin pakhat an pek. Teitu nih tei awkah aa thawh bantukin aa thawh.

³Cun Tuufa nih cun cakhenh pahnihnak kha a phoih i saram nung pahnihnak nih, “Ra,” a ti kha ka theih.

⁴Rang dang pakhat a hung chuak i rang sen a si. A cung i aa citmi cu, vawlei cung i ral thawhternak òhawnnak kha an pek, cucu zeicahdah a si tiah, mi kha pakhat le pakhat i that hna seh, ti caah a si; amah cu vainam nganpi an pek.

⁵Cun Tuufa nih cun cakhenh pathumnak kha a phoih; cun saram nung pathumnak nih, “Ra,” a ti kha ka theih. Ka hun zoh i rang nak pakhat ka hmuh. A cung i aa citmi nih cun cuaithlainak pakhat aa put.

⁶Saram nung pali hna lakin a chuakmi aw a lomi aw pakhat ka theih i cu aw nih cun, “Ni khat ni hlawh caah changvut cu khiat khat, barli cu khiat thum. Sihmanhsehlaw oliv chiti le mitsur hang cu hrawk hna hlah,” a ti.

⁷Cun Tuufa nih cun cakhenh palinak kha a phoih i saram nung palinak nih, “Ra,” a ti kha ka theih.

⁸Ka hun zoh i rangrau diapduap pakhat ka hmuh. A cung i aa citmi cu a min ah Thihnak a si i Hell nih a hnulei in a zulh. Vawlei cung cheu li cheu khat uknak nawl kha pek an si i ral in siseh, mangòam in siseh, rai in siseh, sahrang in siseh, mi thah khawhnak nawl kha pek an si.

⁹Cun Tuufa nih cun cakhenh panga-nak kha a phoih. Pathian bia an chim ruangah le Pathian tehte an sinak ah zumhawktlak in an um ruangah an thahmi hna thlarau kha biakòheng toiah cun ka hmuh hna.

¹⁰Fak piin an au i, “A lianngan bik Pathian, a thiang i a taktak a simi Pathian, vawleicung mi, a kan thattu hna hi zei can dah kan phuhlam loin na um hna lai i an biaceih loin na um hna lai,” an ti.

¹¹Annih cu puan rang pakhat cio an pek hna i, “Tlawm tein i din ko rih u. Nanmah bantukin thihnak a ing ve ding nan salhawi le nan unau hna an tling rih lo,” tiah an ti hna.

¹²Cun Tuufa nih cakhenh paruknak a phoih kha ka hmuh. A fak ngaimi lihnin a um i ni cu puanchia nak bantukin a nak i thlapa cu thisen bantukin a sen dih.

¹³Cun thli fak nih a kung a hninh tik i theipi kuh a òilmi bantuk khin arfi cu vancung in vawlei ah an rung tla.

¹⁴Cazual an zual bantuk khin van cu a lo i tlang le tikulh vialte cu an umnak hmun in an òhial dih hna.

¹⁵Cun vawlei cung siangpahrang hna le uktu hna le ralbawi hna le mirum hna le miòhawng hna le midang vialte cu sal he a luatmi he, tlang cung lungkua le lungpi toiah an i thup dih.

¹⁶Tlang le lungpi cu an auh hna i, “Kan nenh u law bawiòhutdan cungah a òhumi hmai le Tuufa thinhunnak cun kan phen tuah u!

¹⁷An thinlinh ni ni lianngan cu an phan cang i aho nih dah a celh lai,” a ti.