Read Hakha Chin BIATHLAM 7 Bible Online

BIATHLAM 7 - Hakha Chin bible

BIATHLAM 7

¹Cu hnuah cun vancungmi pali vawlei kil li cung i an dir kha ka hmuh i vawlei cung thlitu pali hna kha, vawlei cungah siseh, rili cungah siseh, thingkung cungah siseh, an hrannak hnga lo an thlauh hna.

²Cun nichuahlei in vancungmi a dang pakhat a nungmi Pathian cakhenhnak he a rat kha ka hmuh. Pathian nih vawlei le rili hrawh khawhnak nawl a pekmi vancungmi pali kha aw fak piin a auh hna.

³Vancungmi nih cun, “Kan Pathian sal hna kha an cal ah hmelchunhnak kan khenh hna hlan cu vawlei le rili le thingkung kha hrawk hna hlah u,” tiah a ti.

⁴Cun an cal ah Pathian cakhenhnak in hmelchunhnak an khenhmi hna cu thong za khat le thong sawm li le thong li an si, Israel phun dihlak chungin an si, tiah an ka chimh.

⁵Judah phun in thong hleihnih, Reuben phun in thong hleihnih, Gad phun in thong hleihnih,

⁶Asher phun in thong hleihnih, Naftali phun in thong hleihnih, Manasseh phun in thong hleihnih,

⁷Simeon phun in thong hleihnih, Levi phun in thong hleihnih, Issakhar phun in thong hleihnih,

⁸Zebulun phun in thong hleihnih, Josef phun in thong hleihnih, Benjamin phun in thong hleihnih an si.

⁹Cu hnuah cun khua ka hun zoh i mibu nganpi, ahohmanh nih a rel in an rel cawk lomi khi ka hmuh. Annih cu phun kip, ram kip, holh kip le hrin kip chungin a rami an si i bawiòhutdan hmai le Tuufa hmaiah cun an dir i puan rang an i aih i tum hnah kha an i put.

¹⁰Fak piin an au i, “Kan khamhnak cu bawiòhutdan cungah a òhumi Pathian le Tuufa sinin a rami a si,” an ti.

¹¹Vancungmi vialte cu bawiòhutdan le upa hna le saram nung pali hna vel chum ah khan an dir. Cun bawiòhutdan hmaiah cun an kun i Pathian kha an biak i

¹²“Amen! Thangòhatnak le sunparnak le fimnak le lunglawmhnak le upatnak le òhawnnak le thil ti khawhnak cu zungzal in zungzal tiang kan Pathian ta a si! Amen!” an ti.

¹³Upa pakhat nih khan a ka hal i, “Puan rang aa aihmi hna hi ahodah an si i khuazei in a rami dah an si?” tiah a ka ti.

¹⁴“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.

¹⁵Cucaah cun Pathian bawiòhutdan hmaiah an dir i chunzan in biakinn chungah a rian kha an òuan. Bawiòhutdan cung i a òhumi nih khan a umpi hna i a ven hna.

¹⁶Annih cu an ti a hal in an rawl a òam ti lai lo; ni nih a linh ti hna lai lo i thlanhri puak in zeihmanh nih a umter ti hna lai lo.

¹⁷Zeicahtiah bawiòhutdan laifang i a ummi Tuufa kha an tuukhal a si lai i nunnak tiput cerhkam ah a kalpi hna lai. Cun Pathian nih an mitthli vialte kha a hnawhpiak dih hna lai,” a ti.