Read Hakha Chin 1 SAMUEL 31 Bible Online

1 SAMUEL 31 - Hakha Chin bible

1 SAMUEL 31

¹Cun Filistin mi nih Israel mi cu an tuk hna i Israel mi cu Filistin mi hna hmaiah khan an zam i Gilboa Tlang ah cun an thi liangluang ko.

²Cun Filistin mi nih khan Saul le a fapa hna kha an phanh hna i Filistin mi nih cun Jonathan le Abinadab le Malkhishua, Saul fapa hna kha an thah hna.

³Cun Saul cu heh tiah an nam i thalkah thiam hna nih khan an phak ai; cun thal kah thiam hna nih khan òhalo tein an hliam.

⁴Cun Saul nih a ralthuam putu sinah khan, “Na nam kha i zuh law, tleng lak in ka chun, cu lo ahcun, cuarpartan lo pawl hi an ra lai i an ka chunh òhiamòhiam òung lai i lentecelhnak ah an ka ser sual hnga,” tiah a ti. Sihmanhsehlaw a ralthuam putu nih khan a tuah duh lo, zeicahtiah a thin a phang ngaingai. Cucaah Saul nih amah vainam kha aa lak i a bawhkhuh.

⁵Cun a ralthuam putu nih khan Saul kha a thi cang tiah a hmuh tikah amah zong nih a vainam kha a bawhkhuh ve i amah sinah cun a thi.

⁶Cuticun Saul le a fapa pathum hna le a ralthuam putu le a mi vialte cu ni khat ah hmun khat ah an thi.

⁷Cun ralchan ah a ummi Israel mi hna le Jordan tiva ral ah a ummi hna nih Israel mi kha an zam i Saul le a fapa hna kha an thi, ti an theih tikah, an khua kha an chuahtak hna i an zam; cun Filistin mi kha an ra i an khua kha an rawlh hna.

⁸A thaizing ah Filistin mi hna nih a thimi kha an thilthuam hawh awk i an rat tikah, Saul le a fapa pathum Gilboa Tlang i an thih kha an hmuh hna.

⁹A lu kha an cik i a ralthuam kha an hawh i thawngòha cu an siasal hna le mi zapi hna sin i kalpi awkah Filistin mi ram dihlak ah khan thawngthanhtu an thlah hna.

¹⁰A ralthuam cu Ashtaroth biakinn ah an chiah; cun a pum cu Bethshan kulhnak vampang ah an tar.

¹¹Sihmanhsehlaw Jabesh-gilead mi nih, Saul cung i Filistin mi nih an tuahmi kha an theih tikah,

¹²ralòha vialte cu an tho i zan khuadei in an kal i Saul ruak le a fapa pathum hna an ruak kha Bethshan kulhnak vampang khan an va lak hna; cun Jabesh ah an ra phan i khika ah an khangh hna.

¹³Cun an ruh cu an lak hna i Jabesh i tamarisk thingkung toiah an vui hna i ni sarih rawl an ul.