Read Hano Rom 6 Bible Online

Rom 6 - Hano bible

Rom 6

¹Gim binibe tav vuroga rahurahu vataha mahavana huribe God vi lai hogoi mulei lalai gida?

²Sigai! Tam mate alun vuron rahuda ata amua, i kun hanigi haḡea tav lol rahu be vi togo lol vuro vataha mahavana?

³Gim binihi malioi be gida duluai tam mai gi udun Kraes Jisas lol taro be tam ḡaruhisabuga? Tam hara mateanana lol nonda garuhisabuga.

⁴La mahavana be tam ḡaruhisabuga, tam davi gida mai Ratahigi i tam hara mateanana. Kunia n̄ano be Jisas nu tomare nin mateana gin muramura non God, gida mulei tav rahu gin rahuan tavuha.

⁵Jisas nu mate, i gida mulei tam bulu maia lol mateana mulei. I gida mulei tav bulumaia be tav tomare nin mateana kunia be kea nu lolia.

⁶Tam iloe be rahuda ata amua nu mate mai Jisas alun volovolo, huribe vuroda gaitutuvwai si hav muramura tehe ḡoro gida i gida ta sav vora te turin vuro.

⁷Mwa iloe be, lol taro be gom mate, gom hav togo tehe halaten muramura non vuro, take kea mwa maribwesi nin gao vauvauhi.

⁸Kebe tav mate mai varahuda, tam iloe be tav rahu mulei maia.

⁹Varahuda nu tomare nin mateana, i tam iloe be si hav mom mate te mulei. Mateana nu hav muramura te ḡoroe kadogaha.

¹⁰Uwe, lol taro be varahu mwa mate, mwa mate be men tuḡoro muramura nin vuro vaituvwa nu dadariha huri vataha mahavana. Kadogaha rahuna nu gara i rahuna gea mwa dogo mai God.

¹¹Kunia mulei, giv gita kimiu sibomiu kunabe gin mate alun muramura non vuro i gim rahu mai God sivi Kraes Jisas.

¹²Gosav lin̄ te vuro vi muraga lol rahumwa teti lol ureure, be gov lol ginau gabe vuromwa sibomwa mwa loligo be gomen lolia.

¹³Gosav lin̄ te rahumwa be vi gogonai vuro, kun ginau be gamen lolia be men lol vuro. Ninia gea, lin̄igo sibomwa la liman God kunira be ran mate i kadogaha ram rahu. Kamai gam lolia gin rebehimai be gamen vuroga.

¹⁴Vuro si hav vora te nom radaiḡoro, huribe gom hav togo tehe halaten silo ta halaten hogoi non God.

¹⁵I havanau haḡea be tav lolia? Nu tavuha be tav vuroga huribe tam do halaten hogoi non God i vorate aten silo? Sigai!

¹⁶Kunia gom iloe huba, lol taro be gom lin̄igo sibomwa gi turin rovoga lalai atatu be gov tabea, kea gom bora turi non atatu gea. Atatu be gom dabe silona kea haḡea nom ratahigi lavoa. Gov huri dum vuro, be mwa lai mateana sa gov tabe dum God, kea gabe gom bavtutu la lolmatana.

¹⁷Amua gon vora turin vuro, i vuro nu haḡo rahumwa. Ta gov avkari God, gom dabe mwasigi ginau gabe gon lai silo vagahi huria.

¹⁸God mwa lol gida tam du dagai nin vuro, i kadogaha gim bora turin ginau vavtutu.

¹⁹Nam lolia la hala geki, huribe nu ririhai lalainigo be gov iloe. Amua gon lin̄ vatahanan rebehimwa be rai vora turin vuro i ginau hantai; gom dogo n̄ano huri ginau hantai. Kunia mulei gon lin̄ muleinigo gi turin ginau vavtutu. I vuvuri gov togo n̄ano huri God.

²⁰Amua gon vora turin vuro, i ginau vavtutu nu hav togo tehe lol rahumwa.

²¹Gom lol daltalei ginau, i kadogaha gom busbusi ginira. Ginau keragea ram lai mateana n̄ano.

²²Ta kadogaha gom du dagai nin vuro i gom mai gi turi non God. Geki mwa lai rahuana lalainigo huri God n̄ano, i geki mwa lai rahuana lalainigo vai tuai.

²³Lol taro be atatu ram lol vuro, ram lai volira huri vuro be ram lolia i vuro gea mwa daura lol mateana. Ta God mwa lai hogoi vuroi lalai gida rahuana vai tuai mai Kraes Jisas nonda Ratahigi.