Read Hano Rom 8 Bible Online

Rom 8 - Hano bible

Rom 8

¹I kadogaha, kera gabe ram rahu mai Kraes Jisas, kera varate ram lai silo vevegi wasi.

²Sivi Kraes Jisas, silon Vui Sabuga be mwa lai rahuana mwa loliau nam du dagai nin silo be mwa lai vuro i mateana.

³Silo gea roron̄ona sigai, huribe silo gea mwa loliana mwa mamara gin vuroda siboda. Ta God mwa lol hano gabe silo si hav lol te dumwia. Nu hora nituna vai lol ureure mai rahuana n̄ano kun gida, ke atatu rituai ram lol rahu gi tanon vuro. Mwa hora nituna kun gabe tataroi tuntun be men vol vuroda, God mwa lol rahun atatu be men lol kaburai vuro.

⁴Mwa lolia kungeki huribe gida tai vora lalan̄an atatu be silo, mwasigi mwa doronbe tai vora kunia kadogaha varate tam dogo la rahuana be tam huri vuroda siboda, ta tam dogo hurin Vui Sabuga.

⁵Kera gabe ram dogo, hurin nora lalaḡova lete, ram binihi n̄ano huri ginau be ram lolia huri vurora. Ta kera be ram dogo hurin Vui Sabuga, ram binihi ginau gabe Vui Sabuga mwa doronia be rav lolia.

⁶Mandovai be binihin atatu mwa dogo halaten vurona sibona, kea mateana. Ta kebe binihira vi lalaḡo hurin Vui Sabuga, kea rahuana vi tamwata.

⁷La mahavana be binihin atatu mwa lalaḡo hurin non doroniva sibona, kea nu hav tavuha tehe la lolmatan God huribe ram hav doron te didi huri silo non God i ram hav doron te mwasigi be ramen huri silo non God.

⁸Atatu gabe rahura mwa lalaḡo hurin nora lalaḡova lete, kera ram hav lol te dum binihin God.

⁹Ta giḡo rahumwa si hav togo tehe la vuromwa sibomwa. Giḡo gom dogo halaten Vui Sabuga, kebe Vui Sabuga non God mwasigi mwa dogo maigo. Ta atatu be mwa hav haḡo te Vui Sabuga non Kraes, kea mwa hav vora te non Kraes.

¹⁰Rebehimwa vi mate vataha mahavana gin vuro. Ta kebe Kraes mwa dogo maigo, kea Vui Sabuga mwa lai lalainigo rahuana, huribe Kraes mwa loligo gom bavtutu la lolmatan God.

¹¹God nu lol domarei mulei Jisas nin mateana, i kebe Vui Sabuga non God mwa dogo maigo, kea vi lai rahuana mulei lalai rebehimwa be mwa mate. God kea haḡea be nu lol domarei mulei Jisas nin mateana, i vi lai rahuana sivi non Vui Sabuga be mwa dogo alolomwa.

¹²Ira tuaku, ta sav huri te vuroda siboda sa ta sav togo te la rahuanan vuro gabe tam lolia siboda.

¹³Kebe gov lol ginau be binihimwa mwa doronia, gov mate huria ta kebe gov lolia la buluiana non Vui Sabuga be vi tuḡorogo nin ginau hantai be gov lolia la rebehimwa, kea gov haḡo rahuan tavuha.

¹⁴Kera gabe ram lin̄ Vui Sabuga mwa domuainira, kera mwasigi ira nitun God.

¹⁵Vui sabuga gabe tam laia mwa hav lol te gida be tamen vora turin mataguana, kea mwa lol gida gi ira nitun God. Gin Vui Sabuga gea tam dei tam bevea be, “Tata.”

¹⁶I Vui Sabuga gea mwa bulu mai nonda na Vui Sabuga be men vevea be gida ira nitun God.

¹⁷Kebe tai vora ira nitun God, tau lai vatavuha nin God saraḡo mai Kraes. Tav tau ron̄ḡagarasi kunia be Kraes nu ron̄ḡagarasi huribe tav sarisari kunia be Kraes nu sarisari.

¹⁸Ron̄ḡagarasi be mwa dogo mai gida kadogaha, kea ginau vuroi, huribe rahuan tavuha be mwa dogo maigo lol ute atamare, rahuana gea nu tavuha liu nin ginau n̄oto be ran togo tuai.

¹⁹Ginau duluai be God mwa lolia mwa hohovi mai samwarana be God vi lol seserai lalai ira nituna sarisarina mwasigi.

²⁰Ginau n̄oto be God nu lolira ram loli kunabe ramen dori i binihivanara ram mamara, varate hurin non doroniva sibona huribe God mwa doronia i huribe kea haḡea be doronhohov mwa du huria:

²¹be ginau n̄oto be God nu lolira rav tu dagai nin hantai be rav haḡo sarisari gabe mwa du huri ira nitun God.

²²Tam iloe be ginau n̄oto be God nu lolia mwa hohovi hava kadogaha lol ron̄ḡagarasi, kun vavine be mwa abena be men haḡo atatu.

²³Varate ureure n̄ano, ta kamai mulei gam hohovi mai ron̄ ḡagarasi alolomai. Gam haḡo Vui Sabuga kunabe muan ginau lol tatauleo non God. I gam hohovi God be vi lol kamai gi ira nituna, gin binihiva be rebehimai rav togo melmelo nin vuro.

²⁴Gida tam rahu, i tam haḡo doronhohov gea. Kebe tav gita hano be tam doronhohov huria, kea varate mwasin doronhohov. Atatu ram hav tau te nora doronhohov huri ginau gabe nora abena huba.

²⁵Take tam dau nonda doronhohov huri ginau be nonda sigai radu, i tam hohovia gin sine maḡemu.

²⁶I mulei Vui Sabuga mwa dogo mai gida lol nonda rahuan hantai. Tam hav ilo tehe halana be tav tataro kunia be tam lolia kunia. Ta Vui Sabuga sibona mwa avo lalai God huri gida, i mwa hudali God huri gida mai ron̄ova gaivua be avoana si hav vev te dum binihivanana.

²⁷God mwa ḡita dum hano be mwa dogo lol irubwin atatu. I mwa ilo havanau be mwa du lol binihin Vui Sabuga, huribe Vui Sabuga mwa avo lalai God huri non atatu la hala gabe God mwa doronia.

²⁸Tam iloe be lol ginau n̄oto God mwa lol rovoga huri tavuha non atatu be ram doronia. Kera haḡea atatu be nu uloinira, huribe kea haḡea non binbinihi.

²⁹God mwa ilora amua vuri mwa siv lol ureure, i mwa bevea be rai vora kun nituna, huribe Jisas vi vora tuagai lol ira huhugaituvwa ivusi.

³⁰God nu lol binbinihi hurira be rai vora kun nituna; i kera gabe nu lolira be rai vora kun nituna, kea mulei nu uloinira; i kea be nu uloinira, mwa lolira mulei ram bavtutu la lolmatana, i kera be nu lolira ram bavtutu, kea mulei mwa lai rahuan tavuha lalai gida.

³¹Havanau haḡea tai vevea huri ginau kun geki? Kebe God mwa dogo mai gida, atatu vwate si hav wehi te dum gida lol taron bwaloana.

³²God mwa hav usi te nituna ta mwa mahin̄ainia be vi mate huri gida duluai. I bulmai Jisas, God vi lai ginau n̄oto lalai gida.

³³Ihei haḡea vi vev dum avoan hantai lalai atatu be God nu gita luara? Atatu vwate sigai, huribe God haḡea sibona nu lolira ram bavtutu.

³⁴Ihei haḡea vi vev dumwia be atatu non God ram bahala? Atatu vwate sigai, huribe Kraes Jisas nu mate, i ta nu tomare mulei nin mateana, i kadogaha mwa dogo la mwatuan God, i mwa avo lalai God huri gida.

³⁵Ginau vwate vi harabora dum gida nin lolotabetabe gabe God varahuda mwa haḡoe huri gida? Ginau kun, taro hantai sa taro ririhai, sa ron̄ḡagarasi sa marogagasi, sa hiru sa mwa abena be rahumwa men nogo sage atatu mwa wehigo huri mateana?

³⁶Kunia be mwa ravana lol Ravrava Sabuga be: “Lol ihamwa gam dogo lol gagarasin mateana vataha mahavana. Atatu ram binimbe kamai gan kun sipsip n̄ano be vi wehian kaburai.”

³⁷Ta lol ginau duluai n̄oto geki gam seserainia be gam lol tavuha sivi God gabe mwa lol seserai non lolotabetabe lalai gida.

³⁸Uwe, nam iloe be mateana, sa rahuana, sa ira enjel, sa vui, sa ginau sigai kadogaha, sa ginau sigai lol taro be vi mai, sa muramura,

³⁹ginau sigai amare la uluda, ginau sigai abeda ata, sa ginau sigai lol ureure duluai be vi harabora dum gida nin lolotabetabe non God be mwa do alolon Kraes Jisas nonda God.