Read Hano 1 Korin 12 Bible Online

1 Korin 12 - Hano bible

1 Korin 12

¹Ira tuaku, nam doronbe giv iloe huri hogoi nin Vui Sabuga.

²Gim ilo taro be gin togo len̄len̄aga radu, gin huhui kimiu be gin gogonai ira nun vatu ginau be ram hav avo te dumwi.

³Nam doronbe giv iloe be atatu sigai be mwa lin̄ Vui non God mwa domuainia, vi vevea be, “vi vevegiana na Jisas.” Atatu vwate si hav vev te dumwia be, “Jisas kea Ratahigi,” be buluiana non Vui Sabuga sigai maia.

⁴Tabeana lalan̄an ivusi, take ram mai nin Vui Sabuga gaituvwa n̄ano.

⁵Lalan̄an gogonaiana ivusi take God gaituvwa n̄ano be tam ḡogonainia.

⁶I lalan̄an hala ivusi be God mwa lol rovoga sivi atatu take God gaituvwa n̄ano. God mwa lol rovoga lol gida duluai lol ginau n̄oto be tam lolia.

⁷Ginau nin Vui Sabuga vi gitana lol vatvataha atatu, huri tavuha duluai.

⁸Vui Sabuga mwa lai lalai atatu vwate be vi avo gin mataisao, i Vui Sabuga n̄an gea mwa laia lalai atatu dolua be vi avo gin iloilo.

⁹Vui Sabuga n̄an gea mwa lai binihimwasigi garagusi lalai atat dolua. I lalai atat dolua, Vui Sabuga mwa laia huribe vi varahu atatu.

¹⁰Vui Sabuga n̄an gea mwa laia lalai atat dolua be vi lol ginau dan̄an̄a. Vui Sabuga n̄an gea mwa laia lalai atat dolua be vi toretore huri Roroi Tavuha. I mwa lalai atat dolua be vi iloe huri vui tavuha i vui hantai. I mwa lai lalai atat dolua hogoi be vi avo la avoan dodolua. Vui Sabuga radu lalai atat dodolua Vui Sabuga be vi vev lolon avoana.

¹¹Vui Sabuga n̄an mahaḡea mwa horae be vi lai hano lalai vatvataha atatu.

¹²Rebehin atatu gaituvwa n̄ano take mavuvuna ivusi. Len̄len̄a be mavuvun rebehi ivusi, take mavuvuna n̄oto gea mwa lol rebehi gaituvwa n̄ano.

¹³Kraes kunia haḡea, rituai nin gida kera vara ira Jius, i rituai ira Lolobon̄i. Rituai nin gida ira turin rovoga, take rituai atat vuroi. Take gida n̄oto tam ḡaruhisabuga lol rebehi gaituvwa sivi Vui Sabuga gaituvwa. I nu tau gida duluai be tav harahara lol vui gaituvwa gea.

¹⁴Rebehida atatu mavuvuna ivusi.

¹⁵Bwalage vi vevea be, “inau nam hav vora te lima, inau vorate udun rebehi,” take avoana geki vorate vi tuḡoro bwalage be vi vora udun rebehi.

¹⁶Bwero vi vevea be, “huribe inau vorate mata, inau vorate udun rebehi,” take avoana geki vorate vi tuḡoro bwero be vi vora udun rebehi.

¹⁷Be rebehi duluai si vora mata, si hav ron̄ te dum ute. Kebe rebehi n̄oto sivora bwero, si hav ravrav boni te dumwi.

¹⁸Be mavuvun rebehi si vora dadariha n̄oto, kea si vora rebehi sigai.

¹⁹Kunia mwasigi God nu tau mavuvuda duluai, gaitutuvwai ninira, lol rebehi kunia be mwa doronia.

²⁰I kunia mavuvuda ivusi, take rebehi gaituvwa n̄ano.

²¹Mata si hav vev te dumwia lalai lima be, “Nam hav doronigo tehe!” I bwatu si hav vevea te dumwia lalai bwalage be, “nam hav doronigo tehe!”

²²Sigai! Vatahananda be ran beuga kera haḡea ran muramuraga liu.

²³I mavuvun rebehi kebe tam binibe nora rovoga sigai, kera haḡea be tam ḡogonainira liu. Tam ḡogonai ira ute kebe tam dahulinira.

²⁴Take tam hav tahuli te ira mavuvun rebehi be ran hari. I ira ududun rebehida gea be tam binihi bahivoinira take God nu lai nora rovoga lalainira be nu dadariha lalainira huribe rebehi si hav harabora tehe.

²⁵God mwa doron mavuvuda duluai be rav gitaḡoro tavtavuhainira.

²⁶Be mavuvuda vwate mwa ron̄ mwahantai, rebehida n̄oto mwa ron̄ mwahantai maia. Take be rebehida duluai mwa ḡogonaiana, rebehi duluai ram bulu lol gogonaiana gea.

²⁷Kimiu duluai n̄ano kimiu rebehin Kraes, i gaitutuvwai alolomiu gim bulu n̄an lol rebehi gea.

²⁸Lol uloilua, God nu lai tanoi lalai atatu n̄oto, muana lalai ira hala, i gairuana lalai ira atatun vevsera, i gaitoluna lalai ira vagahi. I God nu lai ute lalainira be ram lol ginau dan̄an̄a, kera gabe ram barahu, kera be ram bului dum atat dolua, kera gabe ram ḡitaḡoro atat dodolua, i kera be ram avo dum la avoan dodolua. N̄oto vorate ira hala.

²⁹N̄oto vorate ira hala sage atatun vevsera, sage ira vagahi. N̄oto vorate ram lai muramura be rav lol ginau dan̄an̄a,

³⁰sage be rai varahu ira harova, sa avo la avoan dodolua, sage ram bev binihivanan avoana be ram bevea.

³¹Take kimiu duluai gis doron raumatan vatavuha n̄ano. Take hano be nav vevea lalainigo kadogaha kea mwasin raumatan hala.