Read Hano 2 Korin 3 Bible Online

2 Korin 3 - Hano bible

2 Korin 3

¹Matu kamai gam av ravravwega huri kamai sibomai. Hanigi, mwa doroniana be ravrava vi vev sera kamai lalai kimiu sa be vi vev sera kimiu lalai kamai, kun be ira tausala.

²Kimiu sibomiu haḡea gim bora nomai ravrava, nu ravana alun irubwimai, kamai duluai gam ilo kimiu i gam basogo kimiu duluai.

³Gim seserainia be ravrava non Kraes sibona nu horae sivi kamai. Ravrava uhu nu hav ravana tehe gin pen mai waina take gin vui non God be mwa rahu. Nu hav ravana tehe alun vatu be nu tatavola take alun irubwin atatu.

⁴Gai vev dumwia kunia, bwatuna be sivi Kraes, gam ron̄oe be mwasigi lolmatan God.

⁵Gam hav vevea tehe be gav lol dum rovoga uhu gahemai. God, kea haḡea be mwa lol kamai gam lol dum rovoga be mwa du be gav lolira.

⁶Nu lol kamai gam mai dum gi atatun rovoga huri damean gara ninia sibona lalai non sinombu. Damean gara uhu nu hav vora te silo be nu rava, take kea vui. Silo be nu ravana mwa lai mateana, take Vui kea mwa lai rahuana.

⁷Silo be nu mai, mai mateana nu ravana alun vat tatavola. Nu mai, mai sarisari God, be nu lol lolmatan Moses mwa sarisari be ata Israel ran habwea nu ririhai be rav gitae bwatuna be sarisarina nu wasi maragai. Take gigita gea nu hav vora te n̄ava mwa bisdagai.

⁸Haḡe mwasigi be hal gara be mwa lai Vui nu sarisari liu.

⁹Be silo be nu rava alun pepa mwa bevegi sinombu be ram bahala lol vuro kea nu sarisari, mwasigi be hal gara be mwa lol sinombu ram bavtutu mai God kea sarisarina liu.

¹⁰Silo ata amua nu sarisari, take sarisarina nu sala batena be mwa dadarihaiana mai sarisari gaivua lol hal gara uhu.

¹¹Be silo gea mwa bisdagai mwa mai mai sarisari, vuvuri hal gara geki be mwa bon rahurahu kea sarisarina gaivua liu.

¹²Geki nomai doronhohov, gam hav matagu tehe.

¹³Kamai gam hav vora te kun Moses, be nu tau gavu ḡoro lolmatana be ata Israel rasav gitae tehe. Sarisari gea nu visdagai, i Moses nu hav doron tehe be kera rav gita nogonana.

¹⁴Take nora binihiva nu vono, vai votu garigi gavu gea mwa dahuli binihivanana batena be ram basogo dameana ata amua. Gavu gea Kraes n̄an nu lai dagainia huba.

¹⁵Vaivotu garigi, batena be ram basogo silo non Moses, aia binihira mwa bano.

¹⁶Take batena be wani mwa leahi i mwa huri Ratahigi, gavu gea mwa bisdagai.

¹⁷Ratahigi, gea Vui, i behe be Vui non Ratahigi aia, maribwesi mwa dogo.

¹⁸Lol matada, mwa hav mom ḡagavuan te ḡoro. Gida duluai tam seserai dum sarisarin God, i tam leahi be tai mai kunia. Leahi geki be mwa mai aluda mwa lai sarisari gaivua, be mwa mai nin God, be kea Vui Sabuga.