Read Hano Jemes 3 Bible Online

Jemes 3 - Hano bible

Jemes 3

¹Ira tuaku duluai be nam dabera, mwa hav tu tehe be kimiu ivusi giv mai gi vagahi, bwatuna be gom iloe be gida be tam bagahi, vagahi vi lai vevegi wasi maragai nin atat dodolua.

²Gida duluai tam lol vahalana ivusi. Kebe atatu rasav vev te ginau vahala, kera rav vavtutu i rav vwalau dum rebehira sibora.

³Batena be gom dau gao lol bwan̄on hos be men ron̄ gida, tam bwalau rebehina duluai.

⁴Mulei giv vinihi waḡa gaivua maragai lan̄i wasi mwa sogai dum luae; take vohe kolo mwa bwalau waḡa gaivua, mwa lolia mwa bano lol ute duluai be atatuna mwa doronia.

⁵Mean atatu nuḡun ginau geki: i kea ginau kolo vwate lol rebehi take mwa avo ravravwega huri ginau lalavoa. Tavihen manono vwate vi oda dum kaburai utmetue.

⁶Mea nuḡun gabi, nuḡun ureure be nu masiri gin bwatigoro lol rebehida. Ira ginau hahantai nin meanda mwa lon̄ahi rebehida. Gabin meanda mwa dogo lol tanon vevegi, i mwa dau bwativun gabi be mwa leahi n̄oto rahun atatu.

⁷Atatu ram lol dum ira ginau turu ram mamavu, kun manu, teltele, i ige, i ram lolira ram mamavu huba.

⁸Take atatu vwate sihav lol te dum meana be vi mamavu. Kea nu lala, nu hantai i nu masiri gin ginau hantai.

⁹Tam ḡogonai God tamanda, gin meanda, take tam balahe gin bwan̄oda lalai atatu be God nu lolira kunia sibona.

¹⁰Avoan hantai avoan tavuha mwa mai nin bwan̄o gaituvwa n̄ano! Ira tuaku duluai, ginau geki sihav loli tehe!

¹¹Wai i tahi raru si hav mwalue tehe dum nin matavuravuran wai gaituvwa n̄ano.

¹²Ira tuaku duluai, gai vik vwate sihav vwae te dumwi gi oliv; i sage gaon taligaon waen sihav vwae te dumwi gi vik, i mulei lulun wai vwate be nu masiri gin tahi si hav lai te dum wai mwinu tavuha.

¹³Atatu rituai abena alolomiu be ran iloute i ran mataisaoga? Ras lol seserai ginau geki gin rahuan tavuha, i rav lol ginau tavuha gin maḡemu be mwa mai nin mataisao.

¹⁴Kebe gov bugurai gov sine hantai lol irubwimwa, gosav avo tehe ravravwega. Ira avoan ravravwega geki kea tenteneana be mwa dahuli mwasigi.

¹⁵Lalan̄an mataisao kun geki mwa hav mai te nin amare. Take nin ureure, kea nu hav vorate non vui, kea mwa mai nin atmate.

¹⁶Sinombu be sine hantai i bugurana, ram bilen̄alen̄a i ram lol ginau hantai.

¹⁷Take mataisao be mwa mai nin God kea muan ginau be nu melmelo. Ataguna tamwata, silo gogonai, i nu maron̄ron̄o be vi ron̄ mwahantai. Mataisao geki mwa lol vatuvwai be vi bului kera be ram dogo ririhai i vi lol tavuha lalai kera dodolua. Kea nu vavtutu i nu mwasigi.

¹⁸Atatu be ram riv birin tamwata rav harahara ginau tavtavuha huri rahuan tavuha.