Read Hano 1 Pita 4 Bible Online

1 Pita 4 - Hano bible

1 Pita 4

¹Bwatuna be Kraes nu ron̄ ḡagarasi lol rebehina, giv tu wasigi i giv vinihia la hala n̄an Kun Kraes. Atatu be nu ron̄ ḡagarasi lol rebehina nu nogo nin vuro.

²Giv tu wasigi Sibomiu huribe giv rahu teti lol ureure i giv lol havanau be God mwa doronia.

³Amua gin lol bwarebware taromiu vaivusi i gim lol havanau be ira len̄len̄aga ran ron̄ mwandavuha ginia. Kimiu gin busbusi gin bwatigoro lol rebehi, doroniv hahantai, mwinmwin daltale, gisav mai tehe lol mwinmwin daltale be taḡana i bwatigoro mwa du alolona, nun vatu be mwa hav doroniana tehe mwa ḡogonai-ana.

⁴Ira len̄len̄aga ram binihia be geki ginau dan̄an̄a be kimiu gim hav lol te ginau hahantai be ram lolia, i kera ram bev avoan hahantai huri kimiu.

⁵Gubwen̄ vwate rav vev melmeloinia lalai God, kea be mwa lol vatuvwai be vi vevegi rahuana i mateana.

⁶La halana geki Leo Tavuha nu toretore huri kera be ran mate kadogaha. Gaituvwa n̄an kera ran vevegi kun sinombu duluai, Leo Tavuha nu toretore lalainira i kera rav rahu dum lol vui kunia be God mwa rahu.

⁷Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.

⁸Liuhage haḡea, giv tabetabe kimiu maragai, bwatuna be tabetabe haḡea vi lol voro ivusi be vi vinihi kaburaiana.

⁹Giv havan̄ imwamiu lalai kimiu gaitutuvwai, i gisav ḡurutu tehe huria.

¹⁰Kimiu gaitutuvwai gin lai hogoi be giv lol ron̄oe ba bului atat dodolua. Giv tavuha ira turin rovoga non God mai lalan̄an hogoi gin vatavuha.

¹¹Ihei tehe be vi avo ta mwa du be si vev avoana nin God. Ihei tehe be vi bului tuana ta mwa du be vi bului mai muramura be God nu laia bwatuna be lol ginau duluai God vi uloi roroai sivi Jisas Kraes. Muramura i ute roroai nona vai tuai i tuai. Amen.

¹²Ira tuaku, gisav haraḡo tehe gin ron̄ḡagarasi be vi mai kadogaha be men haḡo ron̄ kimiu. Gisav vinihia tehe be ginau haraḡo mwa loli lalai kimiu.

¹³Take giv ron̄ mwandavuha be kimiu gim bului mai ron̄ ḡagarasi non Kraes bwatuna be kimiu giv ron̄ mwandavuha i giv masiri gin samwarana lol taro be Kraes vi mai mulei lol sarisari.

¹⁴Lol taro be atatu rav vev avoan hantai hurigo bwatuna be gom huri Kraes, giḡo gom lai vatavuha, bwatuna sarisarin vui, vui non God, mwa dogo maigo.

¹⁵Gosav ron̄ te ḡagarasi huri wehi bonogai, surana, sage hava te alen̄ lete, sage bwatuna be gom lol bwarebware atat dodolua.

¹⁶Take kebe gom ron̄ ḡagarasi bwatuna be giḡo atatun Kraes, gosav busbusi tehe. Gov uloi roron God bwatuna be gom saga iha gea.

¹⁷Taron vevegi be mwa dau bwatuna mai atatu ata lol imwan God. I kebe vevegi gea vi tau bwatuna mai gida, Havanau haḡea vi loli lalai sinombu be ram hav lin̄ te maḡemu huri Leo Tavuha non God?

¹⁸“Kebe nu ririhai lalai atat tavuha non God be rav habwe rahuana, atatu be ram hav lin̄ te maḡemu huri Silon God, mai atat Vuroga rav sala mwasigi!”

¹⁹Kera be ram ron̄ ḡagarasi kunia be God mwa doronia mwa du be rav butu alun God huri atmatera huribe kea bwatun tauva. I rav tu rahurahu ba lol havanau be nu Vavtutu.