Read Hano 1 Jon 4 Bible Online

1 Jon 4 - Hano bible

1 Jon 4

¹Ira noḡu buluana, gisav vinihi te mwasigi kera be ram bevea be ram haḡo Vui Sabuga, take giv haḡo ron̄ora be vui be ram haḡoe mwa mai nin God. Ira atatun vevsera tentene ivusi ram ban lol ureure duluai.

²Giv iloe be vui mwa mai nin God sa sigai. Be ihei tehe si vevea be Jisas Kraes nu vora atatu i mwa bora lol ureure, wani gea Vui non God alolona.

³Be atatu si vevea be Jisas nu hav vora te gi atatu, kea gin binihiva vui alolon gea mwa hav mai tehe nin God. Vui gea mwa mai nin ivwalu non Kraes. Gim iloe be ivwalu geki vi mai vai lol ureure, i kea teti kadogaha.

⁴Ira nituku, kimiu ira nitun God, i gim muramura huba nin ivwalu. I Vui non God alolomiu, i nu muramura nin vui ata lol ureure.

⁵Ira ivwalu kera gea ram mai nin ureure, i ureure mwa roron̄tainira, bwatuna be ram avo la avoana ata lol ureure.

⁶Gida ira atatu God, i irahei duluai gabe ram ilo God, rav tai bwero huri gida. Take sinombu be ram hav ilo te God, rasav taibwero te dum huri gida. Haḡe bwatuna gea tav gigilai dum Vui be mwa dentene.

⁷Ira noḡu buluana, tav lolotabetabe gida bwatuna be lolotabetabe mwa mai nin God. Mahavana be tam lolotabetabe gida, i be gida tam dabetabe gida, gida ira nitun God i tam ilo God.

⁸Ira hei tehe gabe ram hav lolotabei te nora ivwalu, ram hav lolotabetabe te God, huri be God kea lolotabetabe.

⁹God mwa seserai non lolotabetabe huri gida, mahavana be nu hora Nituna vora gaituvwa vai lol ureure be vi lai rahuana lalai gida.

¹⁰Geki mwasin lolotabetabe: nu hav vora te gida be tan lolotabei God, take nu lolotabetabe gida i nu hora Nituna be vi mate huri gida be men lai dagai vuron ureure.

¹¹Ira noḡu buluana, bwatuna be God mwa dabe maragai gida, nonda mulei be tav tabetabe gida.

¹²Atatu vwate mwa hav gita te God radu, i non tabeana mwasigi mwa dogo aloloda.

¹³God nu lai non Vui Sabuga lalai gida. I bwatuna haḡea tam iloe be gida gaituvwa bul maia, kun gabe kea gaituvwa bul mai gida.

¹⁴God nu hora Nituna be vi vora Varahun ureure. Gida tan gita Nituna, i kadogaha tam bev sera huria lalai atat dodolua.

¹⁵Be ira ihei tehe mwa bevea be Jisas kea Nitun God, kunia God mwa dogo alolora i kera alolon God.

¹⁶I tam iloe i tam binihimwasigi be God mwa dabe gida. God kea lolotabetabe, i ira hei gabe ram dogo lol God, rav tabe sinombu vataha mahavana, i God vi togo alolora.

¹⁷I be gida tas tabetabe atat dodolua mwasigi, i rahuda vi togo kun Kraes nu togo teti lol ureure, kunia tasav lai te binbinihi huri gubwen̄ vevegi.

¹⁸Be gim dabe maragai atat dodolua, gisav matagui te dum silo vevegi non God. Wani be mwa matagu huri vevegi non God, mwasigi maragai be wani gea mwa hav lol te ron̄oe be men tabe atat dodolua mulei.

¹⁹Tam dabe atat dodolua bwatuna be God mwa dabe gida.

²⁰Take be tas vevea be tam dabe God. Take tam hav tabetabe te gida, i kunia tam dentene. Be tasav tabe te dum sinombu gabe tam hav gitara tehe? Kun hanigi be tav tabe God be tam hav gitae tehe?

²¹Leo horai gabe Kraes mwa laia kea be, “Giv tabe God i giv tabetabe kimiu mulei.”