Read Hatam NITRITI 46 Bible Online

NITRITI 46 - Hatam bible

NITRITI 46

¹Lene Yakub nyohou dimig nide ndigban hagom buug sut ug ei Bersyeba leu api bui mindhe-ndhe nya bindig kep hum ei nimbar hum dokti bak Allah di nicig Ishak kuk no bak.

²Mmun mau rino noni ngat ningat-hi-ngat bingat lo, Allah mbrap bit noni bipai “Yakub e, Yakub e?” Lene noni buhup “We? Da rini.”

³Lene Allah pai binoni “Dani ne Allah di acig kuk no bak ri. Ma attin tut gima ambut ug ei minu Mesir au. Lewo midibindei ba, ade nintun him yamti di bram yam nya idigek bibor binok mben nindig bibor bu.

⁴Midingat rin bit na bidinyohou na kikau ug ei minu Mesir. Ei nidipti bu ne midibuwak ade nintun him yamti di bram yam nya hanyen kwei ei itimieisi dini. Yusuf migwam bit na binam ninda bidwip ayai mpau tirigi annei kimbas a.”

⁵Lene Yakub nya ijo leu Bersyeba. Nipmot bat nya ikon noni kin itnem bat imunggwom bat nya yahagom bikes yok ei kroba di nibou ndig mben Mesir pinak kwei mem yok pima dip.

⁶ Lene ijem ide mindhe-ndhe nya hagom bipwoi ide mun di inyeng tut nya ei minu Kanaan hagom pwoi bimbut tut ug ei minu Mesir. Yakub buwak yo di intun noni him yahagom.

⁷Nok nipmot bat nya kin nipmisop bat nya kin nignyon bat nya yahagom.

⁸Yo di intun Yakub him di ibit noni ug ei minu Mesir inyeng rino Ruben di mighumbou.

⁹Kin Ruben nipmot bat nya di inyeng rino Henokh kin Palu kin Hezron kin Karmi.

¹⁰Kin Simeon bitut nipmot bat di inyeng Yemuel kin Yamin kin Ohad kin Yakhin kin Zohar kin Saul di nitnem timiei minu Kanaan yai binoni.

¹¹Kin Lewi bitut nipmot bat di inyeng rino Gerson kin Kehat kin Merari.

¹²Kin Yehuda bitut nipmot bat di inyeng rino Syela kin Peres kin Zerah. Nipmot bat cin Er kin Onan imai leu noni ei minu Kanaan nipou su. Kin Peres nipmot cin di inyeng rino Hezron kin Hamul.

¹³Kin Isakhar bitut nipmot bat nya di inyeng rino Tola kin Pua kin Ayub kin Simron.

¹⁴Kin Zebulon bitut nipmot bat di inyeng rino Sered kin Elon kin Yahleel.

¹⁵Yo dini yahagom ne Lea nipmot bat nya di noni yai bak Yakub ei Mesopotamia ri. Kin nipmisop Dina cem. Yo di intun Yakub him tug hon Lea yahagom imangti ibou ningot ningai ba, ningai.

¹⁶Kin Gad bitut nipmot bat nya di inyeng rino Zifyon kin Hagi kin Syuni kin Ezbon kin Eri kin Arodi kin Areli.

¹⁷Kin Asyer bitut nipmot bat nya di inyeng rino Yimna kin Yiswa kin Yiswi kin Beria kin ikwohop Serah. Lene Beria yai nipmot bat cin di Heber kin Malkiel.

¹⁸Yo dini yahagom ne Zilpa nipmot bat nya di noni yai bak Yakub rin ba, noni ne sop awak di Laban kes bak Lea pima ri. Yahagom imangti ibou simnaimuhwidip brimigtehigom.

¹⁹Kin Rahel nipmot bat cin Yusuf kin Benyamin di noni yai bak Yakub.

²⁰ Lene Yusuf nitnem Asnat di nicig ninyeng Potifera di nok imam ei Heliopolis yai nipmot bat cin di Manasye kin Efraim binoni ei minu Mesir.

²¹Kin Benyamin bitut nipmot bat di inyeng rino Bela kin Bekher kin Asybel kin Gera kin Naaman kin Ehi kin Ros kin Mupim kin Hupim kin Ared.

²²Yo dini yahagom ne Rahel nipmot bat nya di noni yai bak Yakub rin ba, imangti ibou simnaibrimigtai.

²³Kin Dan bitut nipmot Husim.

²⁴Kin Naftali bitut nipmot bat nya di inyeng rino Yahzeel kin Guni kin Yezer kin Syilem.

²⁵Yo dini yahagom ne Bilha nipmot bat nya di noni yai bak Yakub rin ba, noni ne sop awak di Laban kes bak Rahel pima ri. Yahagom imangti ibou muhwindacan.

²⁶Yakub de nintun him yamti di bram yam nya di imbut ug ei minu Mesir yahagom imangti ibou ningot muhwindagom ba, muhwindagom. Noro ikwop Yakub nignyot bat nya imangti bi.

²⁷ Yusuf nipmot bat cin di nitnem yai binoni ei minu Mesir bikum Yakub nipmot bat nya di imbut ug ei minu Mesir ba, yahagom imangti ibou ningot muhwindacan.

²⁸Lene Yakub cuk Yehuda bipia dor bibie leu noni bisok nihyet bak Yusuf ba, kwei um yok ei Gosyen. Tirigi yoni yuug krau lene,

²⁹Yusuf bri nide kroba pran buug ei Gosyen lene um nicig ei sirima. Lene noni nggriou nicig bipim ba, niyai nggwei kibor bijo ninno.

³⁰Lene Yakub pai bak Yusuf “Dem tu. Nna ba dimai hak ug lewo dingat angat bou diyai him bidikan tut bipia ayaisi jo yo.”

³¹Lene Yusuf pai bak nikindig bat nya kin nikinjoi kin nide bat nindigsi nya yahagom “Suar da duug ngat Firaun ba, midipai binoni bipia dide bat nya po ibong ei minu Kanaan pima yahagom ikwei ngat da tu.

³²Leu api midipai brei binoni bipia jahagom jihyen kep mindhe-ndhe nya kan ba, jijem jide domba nya kin kambir nya kin sapi nya hagom ba, jipwoi mun di jinyeng tut nya hagom bijikwei sut.

³³Gino Firaun sok nihyet mem gima juug ngat noni ba, hig ser je tut jide midyai di jiyai kepti nya lene,

³⁴ma jibuhup bipia jihyen kep mindhe-ndhe nya habiei jimien kikau kwei bipek ammani kep bit leu nok jidigup bat-jidigai bat nya di igyai kep midyai nok gima nipou su. Gima rino noni misindui sut je bijibong ei Gosyen.” Yusuf pingok ingonti nok lewo timiei minu Mesir nya ikou sut gima ijem isut bit yo di ighyen kep domba nya kin kambir nya.