Read Hatam NITRITI 5 Bible Online

NITRITI 5 - Hatam bible

NITRITI 5

¹ Yo di intun Adam him inyeng rinok gini. [Tirigi po Allah pai tes tungwatu pima lene yoni noyam kin Noni ba, idat Noniti cem ba, itta noyam kin Noni nitta.

² Noni pai tes no di pinai kin no di sop leu api njei mun di kei bak yoni bijem inyeng pia Tungwatu.]

³Tirigi Adam de njap ug ei ari bingwam sratus gom ningot ningai lene noni yai nipmot Set.

⁴Adam yai Set leu api nide njap ug ei ari bingwam sratus muhwindaningai bu ba, noni yai nimunggwom bat nya hi kin bu.

⁵Nide njap ug ei ari bingwam sratus muhwindatai ba, ningot ningai ug api noni mai.

⁶Tirigi Set de njap ug ei ari bingwam sratus gom ba, muhwi lene noni yai nipmot Enos.

⁷Set yai Enos leu api nide njap ug ei ari bingwam sratus muhwindaningai ba, muhwindacan bu ba, noni yai nimunggwom bat nya hi kin bu.

⁸Nide njap ug ei ari bingwam sratus muhwindatai ba, simnaibrimigcan ug api noni mai.

⁹Tirigi Enos de njap ug ei ari bingwam ningot muhwindatai lene noni yai nipmot Kenan.

¹⁰Enos yai Kenan leu api nide njap ug ei ari bingwam sratus muhwindaningai ba, simnaimuhwidip bu ba, noni yai nimunggwom bat nya hi kin bu.

¹¹Nide njap ug ei ari bingwam sratus muhwindatai ba, muhwi ug api noni mai.

¹²Tirigi Kenan de njap ug ei ari bingwam ningot muhwindacan lene noni yai nipmot Mahalaleel.

¹³Kenan yai Mahalaleel leu api nide njap ug ei ari bingwam sratus muhwindaningai ningot bitai bu ba, noni yai nimunggwom bat nya hi kin bu.

¹⁴Nide njap ug ei ari bingwam sratus muhwindatai ba, simnai ug api noni mai.

¹⁵Tirigi Mahalaleel de njap ug ei ari bingwam ningot muhwindagom ba, muhwi lene noni yai nipmot Yared.

¹⁶Mahalaleel yai Yared leu api nide njap ug ei ari bingwam sratus muhwindaningai ningot ningai bu ba, noni yai nimunggwom bat nya hi kin bu.

¹⁷Nide njap ug ei ari bingwam sratus muhwindaningai ningot muhwindatai muhwi ug api noni mai.

¹⁸Tirigi Yared de njap ug ei ari bingwam sratus gom ningot muhwindagom lene noni yai nipmot Henokh.

¹⁹Yared yai Henokh leu api nide njap ug ei ari bingwam sratus muhwindaningai bu ba, noni yai nimunggwom bat nya hi kin bu.

²⁰Nide njap ug ei ari bingwam sratus muhwindatai ningot muhwindagom can ug api noni mai.

²¹Tirigi Henokh de njap ug ei ari bingwam ningot muhwindagom ba, muhwi lene noni yai nipmot Metusalah.

²²Henokh yai Metusalah lene nide njap ug ei ari bingwam sratus ningai bu ba, ningon kwes kin Allah kikau. Noni yai nimunggwom bat nya hi kin bu ba,

²³nide njap ug ei ari bingwam sratus ningai ningot muhwindagom ba, muhwi.

²⁴ Henokh kin Allah ingon ce yam bi. Gima rino Allah teu noni tut niyaisi jo leu dihyeisi bipror bihigom hak.

²⁵Tirigi Metusalah de njap ug ei ari bingwam sratus gom ba, ningot muhwindaningai ba, muhwindacan lene noni yai nipmot Lamekh.

²⁶Metusalah yai Lamekh leu api nide njap ug ei ari bingwam sratus muhwindacan ningot muhwindaningai ba, can bu ba, noni yai nimunggwom bat nya hi kin bu.

²⁷Nide njap ug ei ari bingwam sratus muhwindatai ningot muhwindagom ba, muhwindatai ug api noni mai.

²⁸Tirigi Lamekh de njap ug ei ari bingwam sratus gom ningot muhwindaningai ba, can lene noni yai nipmot.

²⁹Lene noni tri tut “Dihyei dini di TUHAN mbriom tu bindei ba, nye di tungwatu igyai midyai di buhun tak nye ninno tu. Noro munggwom dini mibindei ba, nyeni igyai ingon di nggan-triot bu.” Gima rino noni jem nipmot ninyeng Nuh.

³⁰Lamekh yai Nuh leu api nide njap ug ei ari bingwam sratus muhwi ningot muhwindatai ba, muhwi bu ba, yai nimunggwom bat nya hi kin bu.

³¹Nide njap ug ei ari bingwam sratus muhwindacan ningot muhwindacan ba, muhwindacan ug api noni mai.

³²Tirigi Nuh de njap ug ei ari bingwam sratus muhwi lene noni yai nimunggwom bat nya ibou ningai bijem yoni inyeng Sem kin Ham kin Yafet.