Read Hatam NIBOHON MBEN ISRAEL GI NIGOM 4 Bible Online

NIBOHON MBEN ISRAEL GI NIGOM 4 - Hatam bible

NIBOHON MBEN ISRAEL GI NIGOM 4

¹Yehuda de nintun him di bram yam nya ibou poi inyeng rino Peres kin Hezron kin Karmi kin Hur kin Syobal.

²Syobal ne Reaya nicig ri. Reaya yai nipmot Yahat di yai nipmot bat ibou can di inyeng rino Ahumai kin Lahad. Yo dini ne timiei minu ndig Zora idigup bat-idigai bat nya ri.

³Kaleb kin nitnem Efrat igyai ipmot mighumbou di ninyeng Hur. Hur de nintun him di bram yam nya rino iwin minu ndig Betlehem. Hur yai nipmot bat nya ibou ningai ba, inyeng rino Etam kin Pnuel kin Ezer. Etam yai nipmot bat nya ibou ningai ba, inyeng rino Yizreel kin Isma kin Idbas ba, noni yai nipmisop gom di ninyeng Hazelelponi cem. Pnuel win minu ndig Gedor ba, Ezer win minu ndig Husa.

⁵Asyhur di win minu ndig Tekoa wak nitnem bat nya ibou can ba, inyeng rino Hela kin Naara.

⁶Asyhur yem njita tut Naara leu api igyai ipmot bat nya ibou bitai di inyeng rino Ahuzam kin Hefer kin Temeni kin Ahastari.

⁷Tirigi noni yem njita tut Hela lene igyai ipmot bat nya ibou ningai di inyeng rino Zeret kin Yezohar kin Etnan.

⁸Lene Kos nipmot bat nya di Anub kin Hazobeba ba, yo cin dini ne pung di yo di intun Aharhel di Harun nipmot him ninsi de nya ri.

⁹Ei nijam dima ne tungwatu nya ikon Yabes dor njiriek nide bat nindigsi nya yahagom. Nipmem jem ninyeng Yabes lewo mpe di noni srek tut lene yai ninghuisi di wei nindig bibor drek dip.

¹⁰Mpe di gom ne Yabes ngat nadi bak mben Israel ide Allah bipai “Allah e, handei kon ba, anjei mun di kei bak dani lene abindei ba, ditde dihyei hanjop nsi bres binindig bibor bu cem. Anyohou da ba, mun di buhun jo minu ting leu da leu binhyepo diyai dinghuisi wei drek dip bi.” Leu api Allah buhup bak bit leu naharati dima.

¹¹Suhg bon nide adig-ajoi Kelub di yai nipmot Mehir di yai nipmot Eston,

¹²di yai nipmot bat nya ibou ningai ba, inyeng rino Bet-Rafa kin Paseah kin Tehina di win minu ndig Nahas. Ide nintun him bi bram yam nya ibong ei minu ndig Reka.

¹³Kenas yai nipmot bat nya ibou can di inyeng rino Otniel kin Seraya ba, Otniel cem yai nipmot bat nya ibou can di inyeng rino Hatat kin Meonotai ba,

¹⁴Meonotai yai nipmot Ofra. Seraya nipmot rino Yoab di pek hanjop ei Mbang Briep Nibon Mun Bou Ninda Him Cig Nya. Timiei di ibong ei mbang briep dima yahagom ingon ki tut gi ibon mun bou inda him igkei.

¹⁵Kaleb di Yefune nipmot yai nipmot bat nya ibou ningai di inyeng rino Iru kin Ela kin Naam ba, Ela yai nipmot Kenas.

¹⁶Yehaleleel yai nipmot bat nya ibou bitai di inyeng rino Zif kin Zifa kin Tireya kin Asareel.

¹⁷Ezra yai nipmot bat nya ibou bitai ba, inyeng rino Yeter kin Mered kin Efer kin Yalon. Mered wak nibou ndig Mesir nipmisop Bica ba, ibiyai ipmisop gom di ninyeng Miryam kin ipmot bat nya ibou can di inyeng rino Samai kin Yisba cem. Yisba win minu ndig Estemoa. Lene Mered wak sop gom kin bu di ntun keret Yehuda him ba, igyai ipmot bat nya ibou ningai ba, inyeng rino Yared di win minu ndig Gedor kin Heber di win minu ndig Sokho kin Yekutiel di win minu ndig Zanoah.

¹⁹Lene Hodia wak Naham nikwohop. Ide nintun him di bram yam nya inok pung di Garmi ninsi de nya kin Maakha ninsi de nya intun him. Garmi ninsi de nya ibong ei minu ndig Kehila ba, Maakha ninsi de nya ibong ei minu ndig Estemoa.

²⁰Simon yai nipmot bat nya ibou bitai ba, inyeng rino Amnon kin Rina kin Benhanan kin Tilon. Yisei yai nipmot bat nya ibou can di inyeng rino Zohet kin Ben-Zohet.

²¹Yehuda yai nipmot Sela. Sela de nintun him di bram yam nya rino Er di win minu mien Lekha kin Lada di win minu mien Maresa kin yo di ibien minyahas linen kan insi de nya di ibong ei minu mien Bet-Asybea kin Yokim kin timiei minu mien Kozeba kin Yoas kin Saraf di wak sop mben Moab[1] leu api ngkwei hanyen ug ei Betlehem. Daptar dima nibokti nok nitriti di jo mimbrek ngan tu ri.

²³Yo dini yahagom iba igtuyap bibon kep yeng kin dibijig mem nibou ndig ba, ibong ei minu mien Netaim kin Gedera.

²⁴Simeon yai nipmot bat nya ibou muhwi ba, inyeng rino Nemuel kin Yamin kin Yarib kin Zerah kin Saul.

²⁵Pung leu Saul kikau bipek Simei nimbutti rinok gini. Saul yai nipmot di Salum di yai nipmot Mibsam di yai nipmot Misma di yai nipmot Hamuel di yai nipmot Zakur di yai nipmot Simei.

²⁷Simei yai nimunggwom bat nya ibou ningot can ba, can. Nipinai nya ibou simnaimuhwidip brimigtehigom lene nisop nya ibou muhwindagom. Noro Simei nide bat nya igyai imunggwom bat nya ibou poi he. Yo di intun Yehuda him imangti dor njiriek yo di intun Simeon him imangti.

²⁸ Tirigi icoi ei nijam Daud bigyo lene Simeon de nintun him di bram yam nya ibong ser minu mien nya ba, minu mien dima yok rino Bersyeba kin Molada kin Hazar-Sual, kin Bilha kin Ezem kin Tolad, kin Betuel kin Horma kin Ziklag, kin Bet-Markabot kin Hazar-Susim kin Bet-Biri kin Saaraim.

³²Lene ibibong ei mpia ttou nsi muhwi gi ter bu di ninyeng Etam kin Ain kin Rimon kin Tokhen kin Asa cem.

³³Lene ibibong bidem minu mien di jo ttai mpia ttou nsi poi dima kikau ug bipek kin minu mien Baal nite bei mpia nicutti ninghas nyahan. Nibohon di ipas tut Simeon di nok pung di yoni intun him nya kin mpia ttou nsi di yo di intun noni him ibong kep nya ug ei nok gima.

³⁴Nibou ngot di mem keret Simeon ninsi de nya inyeng rino Mesobab kin Yamlekh kin Yosa di Amazia nipmot kin Yoel kin Yehu di Yosibya nipmot (Yosibya ne Seraya nipmot rin ba, nignyon rino Seraya) kin Elyoenai kin Yaakoba kin Yesohaya kin Asaya kin Adiel kin Yesimiel kin Benaya kin Ziza di Sifei nipmot ba, (nidigup bat-nidigai bat nya inyeng sindam rinok gini Alon kin Yedaya kin Simri kin Semaya). Ide ig bei nsi nya bikum eisi kikau,

³⁹apino idigek kep mpia ei nite bei mpia nicutti kikau ba, yuug bong dideu minu mien Gedor ei mbang briep gom. Leu api ingat mintu-minta ei ngoi dumti di nnum kei di bres ba, kei mem ide mindhe-ndhe di ighyen kep nya cem. Nipou yo lene mben Ham di ibong kei igwam kei ibong ser hanjop nsi dima.

⁴¹Yo di intun Simeon him dima yok injei bihwen minu mien Gedor ei nijam di Hizkia nok nibou ndig mem timiei Yehuda nya. Ibiya kep prak meng di yohok nya ba, inggek bingwig bijji timiei nya cem leu minu dima. Leu api ibibong timiei ei sirima bigya luei yok lewo mintu-minta mem ide mindhe-ndhe di ighyen kep nya nggrou bibor ei ngoi dumti dima.

⁴²Yisei nimunggwom bat nya inok nibou tut nimpung nindigsi di intun keret Simeon him ibou sratus muhwi ba, ipri ug ei hanjop Edom di jo bei mpia nipriti. Yisei nimunggwom bat dima yok inyeng rino Pelaca kin Nearya kin Refaya kin Uziel.

⁴³Lene ibiyai nimai bak mben Amalek niken-ken nya leu lene bibong timiei ei sirima kikau kwei bipek ammani kep cem.