Read Hatam NIBOHON MBEN ISRAEL GI NIGOM 7 Bible Online

NIBOHON MBEN ISRAEL GI NIGOM 7 - Hatam bible

NIBOHON MBEN ISRAEL GI NIGOM 7

¹Isakhar yai nipmot bat nya ibou bitai ba, inyeng rino Tola kin Pua kin Yasub kin Simron.

²Tola yai nipmot bat nya ibou muhwindagom ba, inyeng rino Uzi kin Refaya kin Yeriel kin Yahmai kin Yibsam kin Samuel. Yo dini rino inok nibou mem nimpung ig bei nsi di intun Tola ninsi de nya him ba, inok tentara di mimbri kui ingkek nya. Ei nijam nibou ndig Daud lene ide nintun him di bram yam nya imangti ibou sribu ningot can can ba, sratus muhwindagom.

³Uzia yai nipmot gom ngat di Yizrahya. Yizrahya nonti kin nipmot bat nya ibou bitai ba, inyeng rino Mikhael kin Obaja kin Yoel kin Yisia ba, yoni rino inok nibou mem ide bat nya.

⁴Itnem bat nya kin imunggwom bat nya imang bibor. Gima rino bon ide nintun him yamti di bram yam nya idimig ipmot bat nya ibou sribu ningot ningai muhwindagom ei nok tentara pinai di isindem di injei siceu kan.

⁵Nimpung ig bei nsi hagom di intun keret Isakhar him di bit leu daptar ei ide kintrorti dima tibim tut tentara pinai di isindem di injei siceu kan nya ibou sribu ningot muhwindaningai muhwindacan.

⁶Benyamin yai nipmot bat nya ibou ningai ba, inyeng rino Bela kin Bekher kin Yediael.

⁷Bela yai nipmot bat nya ibou muhwi ba, inyeng rino Ezbon kin Uzi kin Uziel kin Yerimot kin Iri. Yo dini ne nibou ig bei nsi mem insi de nya rin ba, inok tentara di mimbri kui ingkek binjei siceu kan cem. Ide nintun him yamti di bram yam nya bit leu daptar ei kintrorti dima inyeng tibim kin tentara pinai di isindem di injei siceu igkei ibou sribu nyatungwagom can sratus muhwindaningai ningot ningai ba, bitai.

⁸Bekher yai nipmot bat nya ibou muhwindatai ba, inyeng rino Zemira kin Yoas kin Eliezer kin Elyoenai kin Omri kin Yeremot kin Abia kin Anatot kin Alemet.

⁹Yo dini inok nibou ig bei nsi mem ide bat nya. Bit leu daptar ei kintrorti dima ne ide pinai di intun yok him leu ide ig bei nsi nya inyeng tibim kin tentara ibou sribu ningot can sratus can.

¹⁰Yediael yai nipmot gom ngat di Bilhan. Lene Bilhan yai nipmot bat nya ibou muhwindacan ba, inyeng rino Yeus kin Benyamin kin Ehud kin Kenaana kin Zetan kin Tarsis kin Ahisahar.

¹¹Yo dini inok nibou ig bei nsi nya mem insi de nya ba, inyeng tibim kin inyeng tentara di mimbri kui ingkek nya cem. Idimig pinai nya di intun yok him ei ba, idem mem gima itug ndei inyeng tentara. Yo dini imangti ibou sribu simnaimuhwidip brimigtehican ba, sratus can.

¹²Lene Supim kin Hupim intun Ir him. Dan yai nipmot gom ngat di ninyeng rino Husim.

¹³Naftali yai nipmot bat nya ibou bitai ba, inyeng rino Yahziel kin Guni kin Yezer kin Salum. Ibou bitai dini intun idrot Bilha him.

¹⁴Manasye kin nitnem ndrim di mben Aram igyai ipmot bat nya ibou can ba, inyeng rino Asriel kin Makhir. Makhir nipmot ninyeng Gilead.

¹⁵Makhir nggok sop mem Hupim kin Supim ba, nitnem ninyeng Maakha lene noni yai nipmot gi nican di ninyeng Zelafehad. Zelafehad yai nipmot bat nya hi bi. Lewo yai nipmisop bat ningkom.

¹⁶Maakha di Makhir nitnem srek tut nipmot bat ibou can di inyeng rino Peres kin Seres. Lene Peres yai nipmot bat ibou can di inyeng rino Ulam kin Rekem.

¹⁷Ulam yai nipmot gom ngat di ninyeng rino Bedan. Yo dini ne Gilead de nintun him di bram yam nya ri. Gilead nicig ninyeng Makhir ba, nignyon ninyeng Manasye.

¹⁸Gilead nikwohop Molekhet yai nipmot bat nya ibou ningai ba, inyeng rino Isyhod kin Abiezer kin Mahla.

¹⁹Lene Semida yai nipmot bat nya ibou bitai ba, inyeng rino Ahyan kin Sekhem kin Likhi kin Aniam.

²⁰Lene Efraim yai nipmot bat nya ibou ningai ba, inyeng rino Sutelah kin Ezer kin Elad. Yo dini ne Efraim de nintun him di bram yam di tug hon Sutelah pijum hak rin ba, inyeng rino Bered kin Tahat kin Elada kin Tahat kin Zabad kin Sutelah. Tirigi Ezer kin Elad icut igkep timiei Gad nya bipi bimbrai ide mindhe-ndhe di ighyen kep nya lo, timiei Gad nya igyai nimai biyok hak.

²²Icig Efraim ningon ngguk bram yok bidem njap ngwa hagom apino nikindig bat nya kin nikinjoi bat nya ikwei gwam ser ningon a.

²³Niabiati bu ne Efraim yem njita tut nitnem leu api nitnem tta buhun bisrek tut nipmot gom kin bu bijem ninyeng Beria drek dip mun di buhun di cut igkep yok pima.

²⁴Lene Efraim yai nipmisop di ninyeng Seera. Noni rino win minu ndig ngot di ijem Bet-Horon di jo nibiho kin Bet-Horon di jo nijjai kin Uza kin Seera.

²⁵Lene Efraim yai nipmot gom kin bu di ninyeng Refah. Yo di intun Refah him nya inyeng rino Resef kin Telah kin Tahan kin Ladan kin Amihud kin Elisama kin Nun kin Yosua.

²⁸Hanjop nsi di itug ndei mem gima ibong niti rino leu Betel kikau bipek kin Naaran di jo nite bei mpia nipriti kin Gezer di jo bei mpia nicutti bitut minu mien ngot di jo ttai minu ndig dima yok cem. Ba, itug ndei minu ndig Sikhem kin Aya bitut minu mien ngot di gahai nya ei hanjop nsi dima cem.

²⁹Yo di Manasye de nintun him di bram yam nya igyai minu ndig Bet-Sean kin Taanakh kin Megido kin Dor hagom bitut minu mien ngot di gahai nya hagom titut yam bigyati nok ide minu ninda rom. Gima ne Yusuf de nintun him yamti di bram yam nya ide minu di ibong niti nya ri.

³⁰Asyer de nintun him yamti di bram yam nya inyeng rijo bijehei dini jug. Asyer yai nipmot bat nya ibou bitai ba, inyeng rino Yimna kin Yiswa kin Yiswi kin Beria kin nisop gom di ninyeng Serah cem.

³¹Beria yai nipmot bat nya ibou can ba, inyeng rino Heber kin Malkiel ba, Malkiel win minu ndig Birzait.

³²Heber yai nipmot bat nya ibou ningai ba, inyeng rino Yaflet kin Somer kin Hotam kin nisop gom di ninyeng rino Sua.

³³Yaflet cem yai nipmot bat nya ibou ningai ba, inyeng rino Pasakh kin Bimhab kin Asywat.

³⁴Lene Yaflet nikinjoi Somer yai nipmot bat nya ibou bitai ba, inyeng rino Ahi kin Rohga kin Yehuba kin Aram.

³⁵Yaflet nikinjoi gom di ninyeng Hotam yai nipmot bat nya ibou bitai ba, inyeng rino Zofah kin Yimna kin Seles kin Amal.

³⁶Sofah de nintun him di bram yam nya inyeng rino Suah kin Harnefer kin Syual kin Beri kin Yimra kin Bezer kin Hod kin Sama kin Silsa kin Yitran kin Beera.

³⁸Yeter de nintun him di bram yam nya inyeng rino Yefune kin Pispa kin Ara.

³⁹Ula de nintun him di bram yam nya inyeng rino Arah kin Haniel kin Rizya.

⁴⁰Gima ne Asyer de nintun him di bram yam nya ri. Yo dini yahagom inok nibou ig bei nsi nya ba, inok pinjoi ndig di mimbri kui ingkek. Lene inok nibou di inyeng jei cem. Ipas kep pinai nya ibou sribu ningot can muhwindagom di intun Asyer him inyeng ei daptarti nok pinai di itin ei mem ikon pran.