Read Hatam EZRA 2 Bible Online

EZRA 2 - Hatam bible

EZRA 2

¹Imang bibor leu yo di inok awak ei ingkiaisi ei mben Babel ikieti ikiju bimbut hak leu minu Babel bijo hak ei. Lene ingkwei hanyen ug ei minu ndig Yerusalem kin hanjop Yehuda cem. Bikwop tungwagom-gom ngkwei hanyen ug ei nonti nide minu ndig. Inok awak ei ingkiaisi ei minu Babel dima habiei leu mpe di po Nibou Ndig Nebukadnezar kat yok bikri yok ug ei sirima tu pima.

²Ide nibou di igya tut yok di ingkwei hanyen dima yok inyeng rino Zerubabel kin Yesua kin Nehemia kin Seraya kin Reelaya kin Mordekhai kin Bilsan kin Mispar kin Bigwai kin Rehum kin Baana. Gini ne daptar tut nimpung mben Israel insi de nya bikwop imangti di ingkwei hanyen leu ingkiaisi inyenga ri.

³Paros insi de nya ibou sribu can sratus gom ningot muhwindacan can kin Sefaca insi de nya ibou sratus ningai ningot muhwindacan ba, can kin Arah insi de nya ibou sratus muhwindacan ningot muhwindacan ba, muhwi kin Pahat-Moab insi de nya (no dini ntun Yesua Yoab nya him) ibou sribu can sratus muhwindaningai ba, simnaibrimigcan kin Elam insi de nya ibou sribu gom sratus can ningot muhwi ba, bitai kin Zatu insi de nya ibou sratus muhwindatai ningot bitai ba, muhwi kin Zakai insi de nya ibou sratus muhwindacan ningot muhwindagom kin Bani insi de nya ibou sratus muhwindagom ningot bitai ba, can kin Bebai insi de nya ibou sratus muhwindagom ningot can ba, ningai kin Azgad insi de nya ibou sribu gom sratus can ningot can ba, can kin Adonikam insi de nya ibou sratus muhwindagom ningot muhwindagom ba, muhwindagom kin Bigwai insi de nya ibou sribu can ningot muhwi ba, muhwindagom kin Adin insi de nya ibou sratus bitai ningot muhwi ba, bitai kin Ater insi de nya (ninyeng hi rino Hizkia) ibou ningot muhwindatai ba, muhwi(...)

²¹Andigpoi nya di idigup bat-idigai bat nya ibong ei minu ndig Betlehem ibou sratus gom ningot can ba, ningai kin andigpoi nya di idigup bat-idigai bat nya ibong ei minu ndig Netofa ibou ningot muhwi ba, muhwindagom kin andigpoi nya di idigup bat-idigai bat nya ibong ei minu ndig Anatot ibou sratus gom ningot can ba, muhwindaningai kin andigpoi nya di idigup bat-idigai bat nya ibong ei minu ndig Asmawet ibou ningot bitai ba, can kin andigpoi nya di idigup bat-idigai bat nya ibong ei minu ndig Kiryat-Ayim kin Kefira kin Beerot ibou sratus muhwindacan ningot bitai ba, can kin andigpoi nya di idigup bat-idigai bat nya ibong ei minu ndig Rama kin Gaba ibou sratus muhwindagom ningot can ba, gom kin andigpoi nya di idigup bat-idigai bat nya ibong ei minu ndig Mikhmas ibou sratus gom ningot can ba, can kin andigpoi nya di idigup bat-idigai bat nya ibong ei minu ndig Betel kin Ai ibou sratus gom ningot can ba, ningai kin andigpoi nya di idigup bat-idigai bat nya ibong ei minu ndig Nebo ibou ningot muhwi ba, can ki(...)

³⁶Bitut imam nya cem ba, imam Yedaya di ntun Yesua him ninsi de nya ibou sratus muhwindatai ningot muhwindacan ba, ningai kin imam Imer ninsi de nya ibou sribu gom ningot muhwi ba, can kin imam Pasyhur ninsi de nya ibou sribu gom sratus can ningot bitai ba, muhwindacan kin imam Harim ninsi de nya ibou sribu gom ba, simnaibrimigtehican ba, yahagom ingkwei hanyen.

⁴⁰Bitut keret Lewi cem ba, Yesua kin Kadmiel di intun Hodawya him insi de nya ibou ningot muhwindacan ba, bitai kin keret Lewi insi de nya di intun Asaf him di ipai kep doia ei TUHAN De Ig ibou sratus gom ningot can ba, muhwindaningai kin keret Lewi insi de nya di intun Salum kin Ater kin Talmon kin Akub kin Hatita kin Sobai nya him di igya ser dimbou pmem ei TUHAN De Ig ibou sratus gom ningot ningai ba, muhwindatai yahagom ingkwei hanyen.

⁴³Bitut yo dini insi de nya igyai midyai ei TUHAN De Ig. Yoni ne Ziha kin Hasufa kin Tabaot kin Keros kin Siaha kin Padon kin Lebana kin Hagaba kin Akub kin Hagab kin Samlai kin Hanan kin Gidel kin Gahar kin Reaya kin Rezin kin Nekoda kin Gazam kin Uza kin Paseah kin Besai kin Asna kin Meunim kin Nefusim kin Bakbuk kin Hakufa kin Harhur kin Bazlut kin Mehida kin Harsa kin Barkos kin Sisera kin Temah kin Nesiah kin Hatifa yahagom rin bingkwei hanyen.

⁵⁵Bitut yo di intun awak nya him di igyai midyai mem Salomo insi de nya. Yoni ne Sotai kin Soferet kin Peruda kin Yaala kin Darkon kin Gidel kin Sefaca kin Hatil kin Pokheret-Hazebaim kin Ami nya yahagom bingkwei hanyen.

⁵⁸Yo di igyai midyai ei TUHAN De Ig insi de nya kin yo di igyai midyai mem Salomo insi de nya di ingkwei hanyen leu ingkiaisi imangti ibou sratus ningai ningot muhwindatai ba, can.

⁵⁹Yo di ikiju di imbut leu minu ndig ngot di Tel-Melah kin Tel-Harsa kin Kerub kin Adam kin Imer hagom imangti ibou sratus muhwindagom ba, ningot muhwi bican. Yo dini intun Delaya kin Tobia Kin Nekoda nya insi de nya him noro bit bon igindo bindo bipia yoni ne yo di intun mben Israel him rin kan bi.

⁶¹Imam ibou poi bitut insi de nya cem igingat daptar hi di tibim tut idigup bat-idigai bat nya inyeng bi. Yo dima inyeng rino Habaya kin Hakos kin Barzilai. (Barzilai ninsi de nya idigup wak sop gom di ntun Barzilai di bong Gilead ninsi de him. Leu api noni krau kep nipmang ninsi de ninyeng.) Bit bon yo dini igindo bindo tut idigup bat-idigai bat di intun him nya brei kan bi. Apino nibou nya irok yok drek dip ba, igiyai midyai nok imam bu bi.

⁶³ Nibou hanjop Yehuda di ninyeng jei gom ggai ser yok apino igiyem njita di imam nindigsi ikwas tut yam di ibui mem gima ibikuk yok bak Allah bi ug a. Lene nok gima kikau bibou imam gom hig ser TUHAN tut ba, TUHAN buhup nihyet tug hon Urim kin Tumim[1] nipou ug e.

⁶⁴Tungwatu di inok awak ei ingkiaisi ba, ingkwei hanyen kwei ei itimieisi yahagom sok yam dem ibou sribu ningot bitai can sratus ningai ningot muhwindagom kin ide awak sop-pinai nya di yahati tut yok nya di ingkwei hanyen kwei cem ibou sribu muhwindacan sratus ningai ningot ningai ba, muhwindacan kin yo di ipai doia nya ibou sratus can cem ingkwei hanyen. Yo dini ijem ide kuda nya ningut sratus muhwindacan ningot ningai ba, muhwindagom kin ide mindhe bagal nya ningut sratus can ningot bitai ba, muhwi kin ide unta nya ningut sratus bitai ningot ningai ba, muhwi kin ide keledai nya ningut sribu muhwindagom sratus muhwindacan ba, ningot can.

⁶⁸Tirigi yo di isima ei ingkiaisi dima yuug krau TUHAN De Ig ei Yerusalem lene nibou mem insi de nya ibou poi ikwas mun di jo biyok mikui-kausi bit leu ijoi sutti mem gima ibiwin TUHAN De Ig ei nigkumti hanyen.

⁶⁹Yo dini ikwas mun tut TUHAN bit leu mun di inyeng tut nya. Lene iba gima bicom yam ei leu api nimangti ne mas nibuhunti kilo sratus muhwi kin perak nibuhunti kilo sribu can sratus muhwindaningai kin sinsun ndok di jei di cut bigwam imig gom mem imam nya nimangti sratus gom.

⁷⁰ Imam nya kin Lewi nya igya tut limwa nya nite hi ba, ibong timiei ei minu ndig Yerusalem kin minu ndig di gahai nya cem. Yo di ipai kep doia kin yo di igya ser dimbou pmem ei TUHAN De Ig kin yo di igyai midyai ei TUHAN De Ig igya tut limwa Israel nindigsi nya ba, ibong timiei ei idigup bat-idigai bat nya itimieisi ei minu ndig ngot nya.