Read Hatam AYUB 24 Bible Online

AYUB 24 - Hatam bible

AYUB 24

¹Nggon rino Allah kos tut njap nimbus ningonti mem yo di ibon sisar leu binhyepo ba ningon gom bikos tut mun di igbit mem yo di ibit nihyet hak ug bi i?

²Tungwatu nya iba niku bison patok ei hanjop nibikkinti bibindei ba, ide hanjop nsi bres bimbrai domba nya bikes yok ei yonti ide kandan domba ninsi.

³Yo dima imbrai keledai di moibihi nya ide binang tut. Lene ipos sapi di kibom nya ide mem gima ibiti ide ningwam bibou irop ningwam hanyen biyok ug e.

⁴Ibigen ser ba, nuhwap mbum nya itug ndei mun di suar itug ndei nya bi. Igyai munti dima bindei ba, nuhui mbum nya inang biku yok.

⁵Gima rino nuhui mbum dima yok idem kep nok keledai bigbehei di nggok njita di yem ei susti di tigot. Ter leu mpia dima ne njita di dem mem imunggwom bat nya hi jo bi.

⁶Suar igyai kep midyai nibidip hukti ba, igyai njita kwei leu hiter ide miaisi[14] ba, ipuk ba anggur ngat bikon kwei leu yo di isibut nya ide ba anggur nghousi.

⁷Ibong bas lewo ide ban dut kin sinsun di ijuk ser idigok mem mmun hi jo biyok bi.

⁸Biget mbras bikui yokti ei nungug him bindei ba, ikroi bibor leu api iba yo sigi tring bigwam nding leu binhyepo tig nya dut pijuk yok.

⁹Yo di isibut nya yuubon munggwom di ibon ipmem-icig bi bikat yok nok awak nya lene ibiyai nuhui mbum nya di ibon ningwam bak imunggwom cem bima leu.

¹⁰Nuhui mbum nya iba ingat ngu bimbut lene ijuk sinsun ser ingkek bi. Ninggum cem hwen yok tirigi igya kep gandum bikos ei hiter ide miai gandum nghousi.

¹¹Igyai midyai nipot biei zaitun kin ba anggur ba, ningei biam noro hi cuon ser yok leu binhyepo idut ningei kep inggobiausi au.

¹²Yo di iduhug-duhug nyen kin yo di ibok yahara mem gima hi nyohou yok noro Allah buhup ide nadi di ingat bingondut yok bi sren.

¹³Yo di irok nipigati kin gi iba nitok bak nipigati yo rinaha. Ikan tut nipigati bi ba, ikou sut gi ibit puig di nipigati dima piga digai nya.

¹⁴Njap tekti ne nihwen kep mun cig kiju leu nibong eisi leu api hei bihwen nuhui mbum nya biyai nimai biyok. Mmun mau rino noni om no nyen noyam kin ninggimang kep mun cig cem.

¹⁵Niyem njita tut sop hiter cig bet ningon mem mpia nicut leusi leu api ba minghas binggai ser niimaisi leu binhyepo hi ngat igbit noni bi.

¹⁶Ninggimang kep mun cig nggek ig binggimang ndigban mem mmun noro nang leu ei njap tekti biku no nyahan.

¹⁷Njap bigyoti bibon nittinti mem noni noro nidinditi di dindi-kai bindei ba, ningon nggan-triot kei.”

¹⁸Zofar buhup[15] “Minyei di su nindig bibor hwen no di sibut lene Allah sigion nide dihyei cem. Tini bu ne nide ba anggur ngat nghousi wer ha he bong ba, hi giyai miai eisi bu bi.

¹⁹Minu nimai nya ide pinde no di bon sisar noyam kin es nggop di pror hak mpe di ngei ndung cut ba, mpia wam.

²⁰Nipmem cem bbwe ser noni. Njingwoi pio ningut bingwig. Hi yok ngon kep ninyeng bu bi. Noni nggun noyam kin biei ut di tti tu.

²¹Mun dima yok hagom cut igkep noni drek dip gico kep kibom nya lene gi ngondut sop di igyai imunggwom munggwom pinai bi nya cem bi.

²²Noro Allah ba nisindemti bindei timek no di mimbri kui ningkek. Allah yai nibou tut lene no di sibut mai hak.

²³Mbro nok gino Allah sindui sut ba, no di sibut bong kei gwam kei lo, Noni ngig niyai kep yok bijo kikau.

²⁴No dima bong kei gwam kei lai-laide he noro niabiati bu ne ug mai bijo ninno bijo kikau. Noni mimbris noyam kin mintu-minta di bon ninyeng bi ba, noyam kin pas nimbeu di ikos leu nintam.

²⁵Tou rima om ser dihyet di jo nibreisi dima bitte tut dipaisi di nijit dini i?”