Read Hatam AYUB 33 Bible Online

AYUB 33 - Hatam bible

AYUB 33

¹Ayub e, nogindini ma ayok atingou mem dihyet di dipai dini mungkun kei.

²Ditin ei mem gima ditri tut dikan-kan nyenti bina tu.

³Diba dingon gom bimbrap ba, mun di dipai ne mun di nijit ri.

⁴Allah de Ninnei pai tes da ba, No Di Sindem Bibor hi ninnei ei dihwap nsi.

⁵Ba, gino abuhup bida kan lene ma ambrap gau nanti.

⁶Sahacem sinoyam ei Allah niyai him. Noni ba igtuyap bibon jau sa.

⁷Gima rino ma adigit tut da au. Ditin ei dingon kanti mem gima dihwen bit na bi.

⁸Dimiap kep mun di apai dat nya bidingon dorti tut angon kanti cem.

⁹Apai ‘Dingonti pwoi ba, dibon nitunggweisi cem hi bi. Mun di kinei rap da bidibon mun tunggwei cem bi.

¹⁰Noro Allah pai mun mem bisu tindei mem gima hwen bit da. Noni ba No biyai da nok Nide siceu.

¹¹ Noni ba lante biteu dimig lene nyohou tou kep diyai munti nya hagom.’

¹²Ayub e, angon kanti dima tunggwei bibor. Lewo Allah nindig njiriek tungwatu leu gi simbot kep mun nyeng hi bit tungwatu nya.

¹³Nggon rino apai kep Allah bipia Noni gimiap tungwatu nya ighyet di ilua kwop bi i?

¹⁴Mbro nok gino Allah mbrap mbigom mbican lo, tungwa hi gingig nitingou mem nihyet bi.

¹⁵ Noni mbrap tug hon mumpriem kin ningat-hi-ngat mem mmun tirigi tungwatu nya ibong mai leu.

¹⁶Noni bidip huk yok leu binhyepo ingig itingou mem nihyet apino idrui sut bikiju.

¹⁷Ningon kanti pingok ingonti nok leu binhyepo ikes hon sisar leu ba, ibon bu bi. Nipingok yokti nya bindei ba, inggei-nggwang tut yonti bi.

¹⁸Noni gisindui sut ba, hi bindei sar yok bi. Noni cuon igyaisi leu nimai a.

¹⁹Allah ba ninggwenti di hwen ingut bipingok ingonti leu api inghuisi titut yam wei-wau sut.

²⁰No di nggwen ninsi kou njita lene ningon him wei sut njita di mmau kei cem.

²¹Nitta cut leu api krin ba, ninggang bai bikinei-kinau cem.

²²Mbigom ma ninnei ngkwei hanyen ug ei mpia di yahagom innei idem yam eisi ba, minu nimai nya ide son dideu no tu.

²³Mpaba malaikati di srig Allah de malaikati ibou sribu-ributi di pus kiek tungwatu ingonti tut ide midyai gom mikwei mpu noni.

²⁴Malaikati dima mingondut noni bimbrua ser ‘Akwek noni hak ug! Disindui sut ba, noni juk ug ei minu nimai nya ide bi. Mitiei nibikwek noni rini leu binhyepo niyati kwes hanyen bu.’

²⁵Ningut miyai nisindemti bu lene mimbri kui ningkek hanyen ba, ningkek sibui nok munggwom pilei ningkek hanyen.

²⁶Mpe di noni ngat nadi lene Allah buhup nide nadi. Leu api no dima miba ningon llei binggei sut Allah ninyeng lewo Allah cuon niyaisi ser nhyema mai au.

²⁷No dima mipai ei yo di yahagom yoho bei ‘Dikan bigya gi kinei ne gi kei rin apino ditde sisar nindig. Mbro nok gima lo, Allah kes hukum ei da dip bi.’

²⁸Allah cuon dinnei leu ba, duug ei minu nimai nya ide bi. Diyaisi no jo yo dini.

²⁹Allah ngkwei-ngkwei nyen him niyai munti dima,

³⁰leu binhyepo teu tungwatu biyai niyaijo nijep biyok lene biyai nibong kei nigwam kei biyok mem nijam di igyaijo.

³¹Gima rino Ayub e, angig atingou mem dihyet ba, agwam nyahan lewo tini bu ne dani rino dimbrap a.

³²Ne gino atin ei angon kanti ne apai sut hak ug. Gino angon kwes lene ahyet dima bindo bipia angon ngun.

³³Gi bi ne ma agwam nyahan hak ba, angig atingou mem dihyet leu binhyepo dingginau na tut ningon di ki.