Read Hatam AYUB 35 Bible Online

AYUB 35 - Hatam bible

AYUB 35

¹Ayub e, gino apai sut nanti bipia angon ngun ei Allah niyai him ne akiowi ei niti yo.

³He ma ahig ser Noni bipia ade sisar di bitut Noni rimindei i? Ningat di kei mindei rintun him drek dip gi dibon sisar hi bi i? Gima cem bindo bipia angon kiowi ei niti yo.

⁴Dani rima dibuhup ahyet kin asut bat nya ighyet cem.

⁵Ma acap ug ei mpia-bbed him! Angig ayai kep bumbuhui di jo anai nya!

⁶ Gino abon sisar lene gima bindei ba, mun di kinei cut igkep Allah bi. Gino ade nitunggwei sutti mang bibor ne gima bindei ba, Noni bok-ba bi.

⁷Aba ade niyai munti di kei nya bimpu Allah e? Ningat ne Noni suar mun nyeng hi leu na bi sren.

⁸Noro ade sisar di abon nya he ribindin asut bat nya lene ade nibon munti di kei rino bimpu yok cem a.

⁹Nico kep tungwatuti bindei ba, ilua kwop tut leu api yahara tungwatu nya mem gima ikwei biteu yok.

¹⁰Noro yahara bak Allah di pai tes yok cem di bindei ba, iba ingon com Noni ei mpe dino mun buhun cut igkep yok dima bi.

¹¹Lene yahara No di yai ningon di ki biyok dor njiriek gi Noni yai bak ha nya kin mindhe-ndhe nya ei dihyeisi dini cem bi.

¹²Yo dima yahara noro Allah buhup ighyet bi. Lewo isibut ba, ide ninggei sut yonti ma yo tu.

¹³Yahara tignam ba, ighyet ngwig leu yok lo, gima mikuisi lewo Allah Di Sindem Bibor ba niyai nghuisi bijik kep yok bimiap ighyet bi.

¹⁴Ayub e, gi nok lene nggon rino Allah miap kep ahyet gino apai bipia bit bon agingat Noni bi i? Bitut gima cem apai bipia ade munhyet jo ei Noho bei tu. Gima rino ma abet angon mem Nide nikos tutti hak ug!

¹⁵Akan bipia Allah mikes hukum ei tungwatu nya dip ba, ngig niyai kep itunggweisi nya bi e?

¹⁶Akibou bei mbrai mikui-kausi he. Jo nibreisi bipia abou buwei sut mun di apai dima.