Read Hatam MAZMUR 11 Bible Online

MAZMUR 11 - Hatam bible

MAZMUR 11

¹Doia Daud mem no di bie tut doia nimpung. Diba dingon com TUHAN bidiya coi Noni. Dem tut gima hi pai bida “Anang ba, angwes ngun nok ha di dimba ug ei nungug him,

²lewo yo di isibut di iku yonti ei nidinditi isror tibor bibicom bisinei mem gima iprindei yo di ingon gom nya. E bi! No dima nuhui buwei.

³No di ningon sren mibon mindei gino tungwatu nya ide nibon munti nya nggek sinsiou tu i?”

⁴TUHAN Ningat rin ei Nide Ig di kwes-kwauti. Nide banggo mbrei no jo gwamti. Noni ngig niyai kep nimpung tungwatu nya ba, kan tut ide nibon munti nya hagom tu.

⁵TUHAN gwam nok nikei mem yo di isingat kin yo di isibut yahagom lene ningon mpo tut yo di iba yoho rok nitin ei nimbukti.

⁶TUHAN ba mun di buhun bibor kin hum[6] kin aspal nggei kin hou di dut bibor di yem yok binggus bikes hukum ei yo di isibut bibor nya dip.

⁷TUHAN singat kei ba, ningon sren-srau. Ningon ngakei yo di ibon mun di kei nya. Yo di ingon sren kei nya mingat TUHAN Ningat igbit.