Read Hatam MAZMUR 138 Bible Online

MAZMUR 138 - Hatam bible

MAZMUR 138

¹Daud ngat nadi. TUHAN e, midiba dingon titut bipai sigyo biNa. Dipai doia ba, dibikon anyeng ei Ade awak di apai tes nya ei gwamti yoho bei.

²Diba dibiau bicom mpia ba, diba dingwak bikik dihyei birok kik Ade Ig Di Kwes-Kwau. Dikon anyeng lewo angon gom ba, angon ngakeisi mbut kikau. Akon Ade nipreu eisi di bon ninyeng bijo nai njiriek tungwatu nya ide nisimbot kep biyam tut Nati.

³Mpe dino dahara Nani ne abuhup ba, ayai ningon di ngkiem bida leu api mimbri kui dingkek.

⁴TUHAN e, nibou ndig dihyeisi dini hagom mikon anyeng lewo imiap tut Ade nipreu eisi nya.

⁵Yoni miba doia bikiek Ade niyai munti nya kin anyeng di jei bibor.

⁶Mbro nok gino akei-kau-kei lo, angig ayai kep yo di ikinei-kinau nya. Bit bon yo di ingon jei nya iku yonti nding leu ayai him kan bi.

⁷Mpe di mun di buhun yon ttai da ne acuon diyaisi. Ahwen ditde siceu di iten-pos nya lene aba Ade nisindemti biteu da bidingwes ngun.

⁸Mporo ayai bipek kep nipreu eisi nya di apreu ei mem da. Akes hon gima ayai abou tut Ade limwa nya au.