Read Hatam MAZMUR 140 Bible Online

MAZMUR 140 - Hatam bible

MAZMUR 140

¹Doia Daud mem no di bie tut doia nimpung.

²TUHAN e, ateu da leu yo di isibut inda nsi ba, aya ser da leu yo di iba isibut biyai midyai nya inda nsi.

³Yo dima igyok ingon gom mem mun di kinei bibindei ba, nikon nihyet keyam bijo-jo wai bikwop njap.

⁴ Idweb dem kep wou piet nikwai ba, ighyet dem kep wou hot nikwai di biyai nimai bak tungwatu.

⁵TUHAN e, anyohou da leu yo di isibut inda nsi. Ma aya ser da leu yo di iba isibut biyok ingon gom mem gima ibindei timek da nya inda nsi.

⁶Yo di ingon jei nya iba niku bindin bon mem da bingig jala mem gima ibikat da. Ikes kau mbrei nya sindam kak dimbutti mem gima ibikat dimig a.

⁷TUHAN e, dipai bina “Nani ne ditde Allah rin. Angig atingou mem dihyet di dahara hwou biNa.

⁸Ditde TUHAN Allah di sindem di teu da di dingwes ngun e, anyohou da tirigi dikon pran tu.

⁹TUHAN e, ma abuhup yo di isibut ijoi sutti nya au. Ma asindui sut ba, ingon kanti di itin ei nya pek kep au.

¹⁰Ma asindui sut ba, siceu ibindei timek dani au. Abindei ba, ide nisrep huk dati di indat kep nya ngkwei hanyen ndam yo di ibibon dinyeng kinei nya.

¹¹Abindei ba, biget di mbras nok hum mbom prok yoni ba, icut ug ei jui nimai nya ide bibou bit bon ingwes ngun hanyen kan bi ug e.

¹²Abindei ba, mun di buhun bibor cut igkep yo di iris mun ei nindigsi nya dip hak ug. Asindui sut ba, no di bibon hiter ninyeng kinei niyaijo ei dihyeisi dini au.”

¹³TUHAN e, dikan tut bipia aba angon di sren-srau bimbrap gau nuhui mbum nya tut ide munhyet.

¹⁴Yo di ingon sren mikon anyeng ba, igwam bit Nani.