Read Hatam MAZMUR 142 Bible Online

MAZMUR 142 - Hatam bible

MAZMUR 142

¹ Daud ba doia bikiek ningginausi tut ninang coi hak mihyeti.

²Diba nadi bahara bak TUHAN. Diba dihyet di nindig bahara Noni kwei bimpu da.

³Dinso-nso nyen ei Noho bei bidipai sut mun di buhun tak da hagom bak.

⁴Mpe di dingon ngkwei leu lene Nani abie tut da ba, anyohou da kak dimbutti. Siceu nya iba niku bindin bon ser puig di dimbut kak tu.

⁵Mpe di dikiek da bidingat sir dintig-tta lene dingat hi gi mpu da bi. Hi di ya srak ko hagau da bicuon diyaisi cem bi.

⁶TUHAN e, dahara Na lewo Nani ne mpia di dinang coi ri. Disuar Nangkom he mem nijam di diyaijo ei dihyeisi dini.

⁷Angig atingou mem dihyet lewo mun di buhun bibor cut igkep da biyai ninghuisi di wei bida. Ateu da bidingwes ngun leu siceu nya inda nsi lewo isindemti dor njiriek da.

⁸Akwek da leu ig bui nsi[31] dini leu api midikon anyeng ei yo di idem yam ei Ade ig mbusyamei nya ikieti drek dip Ade nisingat tut dati.