Read Hatam MAZMUR 149 Bible Online

MAZMUR 149 - Hatam bible

MAZMUR 149

¹Ma jinggei sut TUHAN! Ma jipai doia nijep bak TUHAN. Ma jikon ninyeng ei Nide limwa di ingon gom di imbusyamei nya ikieti!

²Je di mben Israel e, ma jiyai nillei drek dip jide No di pai tes je. Je di timiei Sion e, ma jinggei-hi-nggei drek dip jide Nibou Ndig!

³Ma jiba nibien-bien nyenti kin doia bikon ninyenga. Ma jiba nggong brei kin mun di nggileng bikon ninyenga!

⁴TUHAN joi sut Nide limwa nya. Noni bindei ba, yo di iba ibou coi mem Noni ibindei timek ide siceu nya.

⁵Ma Allah de limwa nya igyai nillei drek dip Nide ninggap leusi ba, iba ingon di nggei-hi-nggei bipai doia mem mmun jei.

⁶Ma iba ighyet ndig kin singau simeda di nggwen di isu nya bikon ide Allah ninyeng,

⁷leu binhyepo ibuhup bak ngkiai nya bikes hukum ei ide limwa nya dip cem ba,

⁸iba lante ngkimom nitu bingot ide nibou ndig nya kin ide nibou di igya kui yok nya bingkiem,

⁹leu binhyepo ikes hukum ei ngkiai nya dip bit leu Allah nicukti. Tug hon nisinati dima ne Allah de limwa di ningon ngakei yok nya ibindei timek ide siceu nya. Ma jinggei sut TUHAN!