Read Hatam MAZMUR 2 Bible Online

MAZMUR 2 - Hatam bible

MAZMUR 2

¹ Nggon rino ngkiai nya ei dihyeisi dini yuhum yam nsi mem gima yaham imbuk kep Allah i? Nggon rino keret dihyeisi dini igyok ingon gom mem mun di bon ninyeng bi i?

²Nibou ndig dihyeisi dini ikiek imig jou tut Tuhan bigyok ingon gom mem Noni kin nibou ndig di Noni ndo ei su.

³Lewo ipai biyam “Jikwei ba, ikwek nyenti bingwes ngun leu TUHAN kin nide nibou ndig ide nisindemti leu binhyepo inyeng tak kep nye bu bi!”

⁴Noro TUHAN di gwam ei nide banggo mbrei dip ei gwamti pa ndip yok. Noni ba nihyet bicig yok tut ingon kanti di bon ninyeng bi nya.

⁵Noni gga yok bikon nihyet kep yok ba, ningon di sibui sut yok bindei bingon ttin bibor.

⁶Lewo Noni pai “Dita ditde nibou ndig ei Sion[1] ba, gima ne Ditde nungung tou di didimig bikwes-kwau ei su.”

⁷ Nibou ndig dima pai “Miditri tut TUHAN nisimbot datti.” Noni pai bida “Nani ne dipmot ri. Njap di ammani ne Dani dinok acigya.”

⁸Ahara Da hak ug leu api midikes ngkiai nya bidem dihyeisi dini hagom bina lene ma anyeng tut dihyei nisurti-nipekti hagom nok ade cem.

⁹ Mporo aba tom ngkimom nitu bibui yok bidahat leu api acom yok dem kep nok acom dibijig di ki kukiau ninnirwapti.

¹⁰He, je di nibou ndig nya e, ma jingig jitingou mem mun di disok kep je! He je di jinyeng tak kep limwa dihyeisi dini nya e, ma jingon dorti tut!

¹¹Suar jibit TUHAN nicuk jeti nya hagom ba, jibou cut bak Noni cem.

¹²Ma jiba jingwak bikik mpia ei TUHAN nimig him. Gi bi ne Noni migga bibor kros ba, mibindei sar jahagom kros bihigom. Bikwop tungwa tou rino ya coi TUHAN ne no dima ningon nggei-hi-nggei!