Read Hatam MAZMUR 24 Bible Online

MAZMUR 24 - Hatam bible

MAZMUR 24

¹ Doia Daud. TUHAN nyeng tut dihyeisi dini kin mun di joti nya bitut dihyei ninjek dip kin yo di ibong kep nya ba, inok Nide limwa nya.

²Noni kes dihyeisi nikiou bijo ei muk ngwa dip. Noni tig cou nipmem nya binok dihyeisi nitriti ei minyei jou.

³Tou ridem mem gima kui ug ei TUHAN De nungug tou i?[11] Tou ridem mem gima coi ug ei Nide Ig di kwes-kwau i?

⁴ Yo dima ne yo di igyai munti nya kei-kau kin yo di ingon gom nya bitut niris kep mun cig nya di ikuk yok bak kwar nya bi he ri.

⁵TUHAN di teu tungwatu nya leu sisar biyai niyaijo nijep biyok minjei mun di kei bak yo dima ba, Noni miba ningon bisrip huk yok bipia ingon ngun.

⁶Dem mem yo dima ikwei ya ei Allah Noho bei ba, ikwei kuk yok bak Yakub de Allah.

⁷Jikau dimbou pmem timiei nya bijo hak leu binhyepo Nibou Ndig di ninyeng jei micoi kak!

⁸Nibou Ndig di ninyeng jei dima tou i? Noni ne TUHAN di sindem bibor ba, mimbri kui ningkek bibor cem ri. Noni kon pran bit Nide siceu nya ba, bindei timek yahagom bingwig.

⁹Jikau dimbou pmem timiei nya bijo hak leu binhyepo Nibou Ndig di ninyeng jei micoi kak!

¹⁰Nibou Ndig di ninyeng jei dima tou i? Noni ne TUHAN Di Sindem Bibor cem ninyeng jei cem ri!