Read Hatam MAZMUR 3 Bible Online

MAZMUR 3 - Hatam bible

MAZMUR 3

¹ Doia di Daud pai tug hon nadi mpe di nang leu nipmot Absalom.

²TUHAN e, ditde siceu di iba nitok bida imang bibor. Yo di ihwen bit da cem imang bibor.

³Imang bibor di ipai bipia Allah kou sut gi mpu dani.

⁴Noro Na di TUHAN rino anok mun di dibipuk kep ser tibor ninggwenti nya. Abindei ba, dicut ditde siceu nya ba, abiwin kep dingonti cem.

⁵Diya ei TUHAN de nungug tou di kwes-kwau dip[2] bidahara Noni leu api Noni buhup dihyet.

⁶Dikuk da bidibong mai lewo TUHAN nyohou da biya ser da leu api dikiju hanyen mem njap di hyep bu.

⁷Dittin tut ditde siceu ibou sribu-ribu di iba nitok bida di igyon ser da ei dite hi dite hi hagom bi.

⁸Ditde TUHAN Allah e, ateu da bidinggwes ngun. Akes hukum ei ditde siceu di iba nitok bida nya dip lene abindei ba, yahagom imig lit cem.

⁹TUHAN e, nisindemti mem gima bindei timek ditde siceu nya kwei leu Nangkom he. Ma anjei mun di kei bak Ade limwa nya.