Read Hatam MAZMUR 43 Bible Online

MAZMUR 43 - Hatam bible

MAZMUR 43

¹Allah e, ma asimbot dat hak ug bipia dingon ngun. Ma ambrap gau da ei nikei noho bei tirigi timiei nya ei dingkiaisi dini ipai kep da. Ma ateu da bidingwes ngun leu yo di isibut nya kin yo di iris igkei nya indati.

²Nani ne No di ya srak ko hagau da. Nggon rino akes da ei su i? Nggon rino ditde siceu di isibut bibor nya ibindei ba, mun di buhun bibor cut igkep da i?

³Akes angon gomti bijo ei nibreisi nok ninjeng di piga digai puig bibie tut da leu binhyepo dibingkwei hanyen ug ei Sion di nok Ade nungug tou di adimig ei bikwes-kwau ba, ug ei Ade Ig di abong ser cem.

⁴Allah e, mpe dima lene midingkwei hanyen bidiya kui Ade nimbar hum dok lewo Nani ne nibousi mem dingon nggei-hi-nggeisi ri. Midikek ditde nggong mbrei bidipai doia bidibinggei sut Na lewo Nani ne ditde Allah ri.

⁵Nggon rino dingon ngguk bibor nok i? Nggon rino dingon buhun bibor nok i? Diba dingon com Allah. Midinggei sut Noni hanyen bu bidikuk da bak lewo Noni teu da bidingwes ngun tu.