Read Hatam MAZMUR 46 Bible Online

MAZMUR 46 - Hatam bible

MAZMUR 46

¹Nimpung Korah ide doia mem no di bie tut doia nimpung. Iba doia Alamot bibrim.

²Allah ne mpia di igya coi ba, ide nisindemti cem ri. Noni yai nibou tut gima mpu nye ei mpe dino mun di buhun bibor cut igkep nye.

³Mbro nok gino dihyei mun brim ba, nungug nya cut bisar ug ei muk jou lo, nittin tut bi.

⁴Mbro nok gino sigau hwen muk ndigsi ba, muk tti nindig bibor bibindei ba, nungug tou nya digit-digit nyen lo, nittin tut bi.

⁵Minyei pmot hi biam bibindei ba, tungwatu nya di ikuk yok bak Allah ei Nide minu ndig ingon llei bibor. Minu ndig dima ne mpia di Allah Di Ninyeng Jei Bibor bong ser ri.

⁶No rinaha ei minu ndig dima apino bit bon nide siceu nya ibindei sar bi sren ug a. Noni mikiju bimpu nide limwa nya bikwop njap tekti.

⁷Allah nihyet dem kep nok kru di cut bibindei ba, tungwatu dihyeisi dini inghuisi jet bingwig ba, yahagom ingon ttin bibor, Nibou ndig di inyeng tak kep limwa nya titut yam mitti bingwig cem.

⁸TUHAN Di Sindem Bibor ningat rin bit nye. Yakub de TUHAN ne tentara nibousi di igya coi ri.

⁹Jikwei ba, imian ser TUHAN niyai munti nya. Ma jitou kep mindur nya di Noni bibon ei dihyeisi dini.

¹⁰Noni bindei ba, tungwatu dihyeisi dini hagom ikes hon ba, ikon pran bu bi. Noni dahat hampiap nya kin micim nya bingwig bindig mun di ibipukep ser tibor ninggwenti nya hagom kep hum.

¹¹Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”

¹²TUHAN Di Sindem Bibor ningat rin bit nye. Yakub de Allah ne tentara nibousi di igya coi ri.