Read Hatam MAZMUR 53 Bible Online

MAZMUR 53 - Hatam bible

MAZMUR 53

¹Doia nibingginau di Daud pai bit leu doia Mahalat mem no di bie tut doia nimpung.

² Yo di ingon mbum ikan “Allah hi bi.” Ibon munti nya sibut bibor ba, kinei bibor cem. Hi di bon mun di kei bi.

³TUHAN cap kwei leu gwamti biyok niyai kep tungwatu nya. Noni nggok no di ningon ki kin no di kuk no bak Noni.

⁴Noro yahagom israwir ba, igyaijoti kinei bibor. Tungwa hi di niyai munti kei bi.

⁵TUHAN pai “Yo di isibut bibor dima ingon huk niti tut igyai munti nya bi e? Igyai mun di isuar nya tug hon gi ipos ndigban leu Ditde limwa nya lene igingat nadi bak Dani bi sren.”

⁶Mbro nok gino mun di bindei ba, idigit bibor hi bi lo, yo di isibut nya mittin bibor. Lewo TUHAN migimahap yo di igyon siceu ttai je nya injum a. Gima rino mijibindei timek yoni lewo Allah rok yoni ei su.

⁷Dijoi sut gima Allah di bong ei Nungug Sion mikiju biteu mben Israel ba, ingwes ngun. Tirigi Noni bindei ba, yo di intun Yakub him ibong kei igwam kei hanyen lene yahagom ingon millei nindig bibor.