Read Hatam MAZMUR 54 Bible Online

MAZMUR 54 - Hatam bible

MAZMUR 54

¹Doia nibingginau di Daud pai ei mem no di bie tut doia nimpung. Ipai doia dini ba, ibibit nggong mbrei nibimbiti.

² Daud ba doia dini bikiek mpe dino mben Zifi ikwei pai bak Saul bipia Daud no ku no bit yok.

³Allah e, ateu dani bidingwes ngun tug hon Ade nisindemti. Ambrap gau dingon ngunti tug hon Ade nisindemti.

⁴Allah e, amiap kep nadi di dahara biNani. Angig atingou mem dihyet di dindat kep hwou biNani.

⁵Lewo ngkiai nya sindi ikiju kwei bihwen da. Yo di ikon yonti inyeng injei siceu bigyai nimai bida ba, ingkek ndok tut Allah cem.

⁶Noro Allah ne No di mpu da ri. TUHAN ne No di ya srak ko hagau da ri.

⁷Noni mikes hukum ei Nide siceu nya dip tug hon yonti ide niyai munti di kinei bibor nya. Noni micok tut yok cem lewo ningon gom tut da.

⁸TUHAN e, asingat kei. Midiba dingon titut bibon midut nindig mindhe ei nimbar hum dokti mem gima dibikuk da biNani ba, dibipai sigyo.

⁹Ateu da leu mun di buhun tak da hagom bidingat lo, abindei timek ditde siceu bou diyai him tu.