Read Hatam MAZMUR 6 Bible Online

MAZMUR 6 - Hatam bible

MAZMUR 6

¹Doia Daud mem no di bie tut nimpung doia di iba nggong mbrei bikek nya. Bit leu doia gi nimuhwindaningai.

² TUHAN e, ma aba Ade niggati bittem da lene bikes hukum ei da dip cem au.

³TUHAN e, angondut dani lewo nisindemti ngwig leu da tu. Ayai nisindemti bida lewo dinghuisi jet-jop.

⁴TUHAN e, dingon tai-tai bou. Akes da ei bipek apig bu i?

⁵TUHAN e, akwei hanyen ba, ateu da bidingwes ngun ei anda nsi tug hon ade ningon ngakeisi.

⁶Lewo yo di ibong ei minu nimai nya ide igyok ngon kep Nani bu bi. Hi dima nggei sut Nani ei yo di imai nya idihyei cem bi.

⁷Dinghuisi jet-jop leu su drek dip gi duun bijo ninno. Diyai nggwei kibor bikwop mmun ngwa ba, diyai nggwei hwen nghim di dibong niti bindot bibor.

⁸Ditde siceu di iba nitok bida nya ibindei ba, dingon ngguk kikau apino diyai cem dindi ba, piga haigtu bi a.

⁹ Je di jisibut e, ma jimbres jenti ei minu ting leu da hak lewo TUHAN miap kep gi dipim kui jei tu.

¹⁰TUHAN miap kep gi dahara Noni ba, ce tut ditde nadi.

¹¹Ditde siceu nya di iba nitok bida midigit tut ba, igwam nimmaiti lene mingkwei kep inghim dip kros drek dip ide nimmai biborti.