Read Hatam MAZMUR 65 Bible Online

MAZMUR 65 - Hatam bible

MAZMUR 65

¹Doia Daud mem no di bie tut doia nimpung.

²Allah e, dem mem nyeni ninggei sut Nani ei Sion ba, niyai hagom bit leu nok nipreu ei mem Nati cem,

³lewo abuhup nyende nadi. Tungwatu dihyeisi dini hagom mikuk yok biNa drek dip ide sisar di ibon tu nya.

⁴Ditde sisar nya buhun tak da noro akos ser hagom tu.

⁵Yo di adimig yok ei su nya ingon llei bibor lewo abuwak yok bibong kikau kep Ade Ig. Nyeni nijoi sut mun di kei di anjei bak nye ei Ade Ig di kwes-kwau di abong ser dima.

⁶Angig atingou mem nyeni nihyet tirigi abindei ba, nihwen nyende siceu nya bingwig. Aba mindur mang bibor biteu nye leu nikineisi. Ngkiai nya yahagom kin yo di ibong ei muk ngeisi nite dima ug iba ingon com Na.

⁷Ata nungug nya hagom bijo nijoti tug hon Ade nisindemti leu binhyepo ando Ade nisindem biborti brei bak tungwatu nya.

⁸Akimut anda kep sigau di kui muk ngeisi bibindei ba, muk di tti nindig bibor hagom kes hon leu api mpia mbum-bra. Abindei bu ba, tungwatu nya di ighyet ngwig kep yam ikes hon ba, ingon jo nyahan.

⁹Tungwatu nya di igya bidem dihyei nisurti-nipekti inggap leu tut Na tut mindur nya di abon tu. Yo di igya nite bei mpia nipriti kikau ug bipek mpia nikimbasti yahagom iba ingon di llei sut Ade mindur nya bimbos-hi-mbos.

¹⁰Anyohou dihyei lene abindei ba, mpia but apino dihyei bon ninnumti bingat ningat nindig bibor. Abindei ba, minyei pmem nya biam sindem apino gandum nitu ngat ningat nindig bibor. Gima yok hagom bit leu nok Ade nikos tutti nya.

¹¹Akes biget di but kwei biprok miai ngausi bibon dihyei suti kin ninnumti lene abindei ba, nikioi ntun him cem.

¹²Atin ei njita di ngat ningat mem nye bikwop ari bingwam tug hon angon kei sut nyeti. Njita ngat ningat nindig bibor bidem akwei eisi nya.

¹³Susti nya mpung tut kambir kin domba nya. Abindei ba, nungug tou nya noyam kin no di ningon llei bibor.

¹⁴Domba nya ikieng kep abris nghousi ba, gandum nintam ngat ningat di dimbun kei ei mbang briepti nya. Mun dima yok hagom noyam kin tungwatu nya di iba ingon llei bibor bimbos-hi-mbos.