Read Hatam MAZMUR 77 Bible Online

MAZMUR 77 - Hatam bible

MAZMUR 77

¹Doia Asaf mem Yedutun di bie tut doia nimpung.

²Diba dihyet nindig bahara Allah. Diba dihyet nindig bahara leu api Noni miap kep dihyet.

³Mpe di duum mun di buhun lene dingat nadi bak TUHAN. Diba dinghen bikon dinda biNoni mem mmun jei bi. Noro gi mbun duum mun di bigwam ser dingon kan bi.

⁴Mpe di dikan-kan nyen tut Allah lene dinso-nso nyen. Gino dibisrip-srip nyen tut Noni lene gima hwen-hwen nyen dingon bibindei ba, dinghuisi jet.

⁵TUHAN bindei ba, digibong mai mem mmun jei kan bi. Dingon di mbut-mbut nyen bindei ba, digimbrap cem bi.

⁶Dikan-kan nyen tut njap gi nipou mu kwei bidiyok ngon kep leu api dibisrip tut ari bingwam gi nipou pimu kwei.

⁷Dibong bidikan-kan nyen mem mmun jei ba, dihig-hig nyen dingonti,[20]

⁸“TUHAN mirok nyeni ei nitta kikau e? Joi sut nye bu bi e?

⁹Allah kes hon ba, ningon ngakei nye bu bi e? Noni miyai mun bipek kep nipreu ei mem nyeti bi e?

¹⁰Allah bbwe ser ningondut nyeti tu e? Nigga nyeti om kep ningondut nyeti e?”

¹¹Apino dipai “Gi tuk kep dingon rino Allah Di Ninyeng Jei yai nibou tut nye bu bi.”

¹²TUHAN e, midiyok ngon kep abon munti nya. Midikan-kan nyen tut Ade mindur di abon ei nijam gi nipou nya.

¹³Midikan-kan nyen tut mun di ayai nya hagom. Midibisrip-srip nyen tut Ade midyai di bon ninyeng nya.

¹⁴Allah e, Nani ne nyende Allah ri. Aba angon sren-srausi biyai ayai munti nya. Kwar di tou rino nindig noyam kin Nani i?

¹⁵Nani ne Allah di bibon mindur nya ri. Ando asindemti ei ngkiai nya ikieti tu.

¹⁶Aba asindemti bikwek Ade limwa nya. Yo dima ne Yakub kin Yusuf nya ide nintun him yamti di bram yok nya ri.

¹⁷Allah e, tirigi minyei ngat Na lene minyei digit ba, muk jou cem nitta drui sut Na.

¹⁸Bumbuhui bindei ba, biget mbras lene kru cut ba, nugwei bong. Kigyei cut bitot igyaisi bidem mpia ttou nsi hagom.

¹⁹Kru cut ba, nugwei bong. Kigyei ninjeng srei ba, dihyeisi dini ugwa-kwei bidigit tut cem.

²⁰Ambut ei muk di tti bibor ningwa dip. Asigon muk di jut bibor lo, hi gingat amig ceti nya bi.

²¹Nani ne gembala di bie tut Ade limwa nya tug hon Musa kin Harun di igya hacan mem Nani ri.