Read Hatam MAZMUR 79 Bible Online

MAZMUR 79 - Hatam bible

MAZMUR 79

¹ Doia Asaf. Allah e, mben ngkiai di ikuk yok biNani bi nya igyai Ade dihyei ninda rom bigyati tu. Ibindei suwok Ade Ig lene ibindei ba, minu ndig Yerusalem nggek sinsiou cem.

²Ikes Ade awak nya ingut hak ei binok njita mem hacam krubri nya bipuk. Isindui sut asut bat di angon ngakei yok nya ingut binok mun di mindhe-ndhe di iten pos nya ibriug bigyem.

³Ade limwa nya inggrom siber noyam kin minyei ei minu ndig Yerusalem nisurti-nipekti. Hi di itig ingut cem bi.

⁴Mben ngkiai di ibong ttai nye ighyet tigut nye. Ipa tut nye ba, iba ighyet bicig nye.

⁵TUHAN e, agga nye bijo ninno bijo kikau e? He Angon sibui sut nyeti micig-cai nok hum ug bipek nohonti kan bi e?

⁶Asiber Ade niggati dima ei ngkiai nya di ikuk yok biNa bingat nadi bak Nani bi nya dip ug.

⁷Lewo ibindei sar Ade limwa nya bigya kep mpia di ibongti cem bitimek bingwig su.

⁸Ma akes hukum ei nye dip drek dip nidigup bat-nidigai bat nya ide sisar au. Abipbur ba, angondut nye lewo nyeni ningon dahat leu su.

⁹Niteu kep nye biningwes ngun cig e, ampu nye ba, akos ser nyende sisar cem. Lene akwek nye leu binhyepo ngkiai nya mikuk yok biNa drek dip anyeng di jei.

¹⁰Ma acuon ser ngkiai nya di ihig ser yam tut nye bipai “Ide Allah no hantou i?” Asindui sut ba, ningat hukum di akes ei yo di igyai nimai bak Ade awak nya dip bou nyeni niyai him.

¹¹Angig atingou mem yo di isima nya igyo nneisi. Asindui sut ba, yo di nikei kes hukum nimai ei yok dip bigyo nya ingwes ngun bigyaijo tug hon Ade nisindemti.

¹²TUHAN e, ma abuhup mbimuhwindacan bram yam bak mben ngkiai dima yok drek dip ighyet di tigut Na.

¹³Apino Ade limwa di nyeni di ninok Ade domba di anyohou nye minipai sigyo biNa bijo ninno bijo kikau ba, ug hon nohonti bi sren.