Read Hatam MAZMUR 82 Bible Online

MAZMUR 82 - Hatam bible

MAZMUR 82

¹Doia Asaf. Allah bie tut Nide awak di pai tes nya di induk yam ei gomti ei gwamti. Noni kos tut biyok bipai,

²“Ma jiba jingon can bimbus tungwatu nya ingonti bijitti kin yo di isibut nya bu au.

³Ma jimbrap gau moibihi kin yo di inghuisi jet nya bijiba jingon gom bikos tut mun di igbit bak yo di yuhui mbum nya kin yo di yuum niweisi nya.

⁴Ma jiteu yo di inghuisi jet kin yo di isindem bi bibor nya leu yo di isibut inda nsi.

⁵Jigikan tut mun nyeng hi bi bibor bijingon mbum ba, jingon dindi bibor cem. Lewo jeni rino jibindei di ningon srenti nggek sinsiou ug a.

⁶ Da di Allah Di Dinyeng Jei dipai bije bipia jeni ne awak di dipai tes nya rin ba, jinok dimunggwom bat nya.

⁷Noro mijitug ndei nimai noyam kin tungwatu nya ba, noyam kin nibou di inyeng jei bi nya cem.”

⁸Allah e, akwei gwam nok nikei mem tungwatu dihyeisi dini lewo anyeng tak kep ngkiai nya yahagom.