Read Hatam MAZMUR 83 Bible Online

MAZMUR 83 - Hatam bible

MAZMUR 83

²Allah e, agwam ba, abbwe ei au. Ma aba anda bingot yam ba, agwam nyahan au.

³Angig ayai kep Ade siceu di yaham imbuk kep Na. Yo di ingon mpo tut Na yaham imbuk kep Na.

⁴Iba nisuglai bitin ei ingon kanti di kinei mem gima ihwen Ade limwa nya ba, yuhum yam nsi mem gima icok tut yo di anyohou yok nya.

⁵Ipai biyam “Jikwei ba, ihwen mben Israel bisar hak leu binhyepo tungwatu nya igyok ngon kep Israel ninyeng bu bi hak ug.”

⁶Ibicom yam nok nimpung gom bigyok ingon gom mem gima ihwen Na.

⁷Yo di ibicom yam di igyok ingon gom dima rino mben Edom kin Ismael kin Moab kin Hagar,

⁸kin Gebal kin Amon kin Amalek kin Filistea kin limwa Tirus nya.

⁹Lene mben Asyur di intun Lot him cem ibicom yam bit mben dima yok ba, yahati tut yok.

¹⁰ Abibon yok noyam kin gino abibon mben Midian ba, noyam kin Sisera kin Yabin ei Minyei Kisyon nyai

¹¹di abindei sar ei minu ndig En-Dor apino inok mun kroi di hwen dihyei.

¹² Abibon ide nibou nya noyam kin gino abibon Oreb kin Zeeb. Abindei ide nibou nya ba, yuhuk bou noyam kin Zebah kin Salmuna,

¹³lewo nibou dima yok icuk yam “Jikwei ba, igyai dihyei di Allah Ningat rin eisi bigyati.”

¹⁴Allah e, abindei kimba yok nok dihyei ndung di kimba kin pas ntam di hou yai di dimbos,

¹⁵noyam kin hum di yem baham titut di ninjeng sror biyem nungug titut nya bijjem.

¹⁶Aba Ade hou sigau buhuk yok. Aba hou di nimig ten bihwen yok bingwes mba ug e.

¹⁷TUHAN e, abindei ba, tungwatu nya iba ighyet bicig yok bibou ipai jit bipia Nani ne No di sindem bibor rin ug e.

¹⁸Nnaba tungwatu nya ibindei binimmai kui yokti bijo ninno ba, igwam nidigitti bimai ei nipai yok kinei-kinausi cem,

¹⁹leu binhyepo ikan bipia Nangkom he rino No Di Ninyeng Jei ba, TUHAN di ninyeng tak kep dihyeisi dini titut yam cem ri.