Read Hatam MAZMUR 87 Bible Online

MAZMUR 87 - Hatam bible

MAZMUR 87

¹Doia Korah ninsi de. TUHAN win nide minu ei nungug tou di Noni dimig bikwes-kwau ei su.[24]

²Ningon ngakei minu ndig Yerusalem nindig bibor dor njiriek minu ndig nindigsi nya ei minu Israel.

³Je di jibong ei minu ndig Yerusalem e, ma jingig jitingou mem Allah nihyet di bibon ninggap leusi tirigi Noni tri tut jide minu bipai,

⁴“Tirigi dindat kep minu di ibit dihyet nya lene daptar mitibim tut mben Mesir kin Babel inyeng cem. Tirigi dikwop kep timiei minu ndig Yerusalem nya imangti lene mben Filistea kin Tirus kin Sudan inyeng mitibim kin daptar dima.”

⁵Allah mitri tut Sion bipia ngkiai nya ei dihyeisi dini hagom mijem minu dima nok itimieisi ri. No Di Ninyeng Jei Bibor mibindei ba, minu dima sindem bibor binindig krop cem.

⁶TUHAN Nonti mibindei coi ngkiai nya inyeng ei nide daptarti ba, yahagom inok timiei minu ndig Yerusalem nya.

⁷Yo dima ipri-pri nyen bipai doia “Sion ne mpia di nijem nok nitimieisi ri.”