Read Hatam MAZMUR 90 Bible Online

MAZMUR 90 - Hatam bible

MAZMUR 90

¹Nadi Musa di Allah De awak. TUHAN e, Nani ne mpia di niya coi habiei ei nimbie him kikau kwei bipek ammani kep ri.

²Nipou tirigi apai tes nungug nya kin dihyeisi dini cem bigyo ne Angat rin ba, ayaijo ug hon nohonti bi sren.

³Acuk tungwatu nya bingkwei hanyen ug ei dihyei ndungti. Abindei ba, ingkwei hanyen ug ei itimieisi ei dihyei jou.

⁴ Ari bingwam sribu gom kin njap gom ngat ter leu yam ba, hi jei hi cun ei Na di Allah ayai him bi. Hacem dem kep nok njap di annani di pror leu su kin nijam mmun mau gom di ngwig leu nye tu.

⁵Lewo akri tungwatu nya ug ei jui nsi. Igyaijo nijeisi dem kep nok mumpriem gom ngat nijeisi. Nahagom ninok mintu-minta susti di bon nikioi mem njap bigyoti ba,

⁶hei leu api nitou kieng noro mui ningwig hanyen mem mmunti.

⁷Angon sibui sut tungwatu nyati bindei ba, nyeni ningon ttin bibor. Agga biborti yem nye binimai biningwig.

⁸Lewo akon nyende nitunggweisi bijo ei Aho bei. Nyende sisar di niku nyahan jo bou ayai him.

⁹Agga biborti bindei ba, nyeni niyaijo jei bi. Njap di nyeni niyaijo ei niti ngwig hon dem kep nok ninnei di nihi mbigom ngat.

¹⁰Nyeni niyaijo nijeisi dem ari bingwam ningot muhwindacan he. Ne gino niyai nisindemti ne nijeisi dem ari bingwam ningot muhwindaningai. Noro ningon buhunti kin ningon nggukti cut igkep nye mem nijam di nibong ei dihyeisi dini apino nyeni niyaijo ngwig hon leu api nipror hak ug.

¹¹Tou ritug ndei Ade nigga bibor nisindemti i? Tou riningon dorti tut mun di micut igkep nye tug hon Ade ningon sibui sut tungwatu nyati i?

¹²Abindei ba, nyeni ningon huk niti tut nyende niyaijoti di cun bibor leu binhyepo nibiyai ningon di ki.

¹³TUHAN e, angon sibui sut nye apig bu i? Ma aluei angonti ba, angondut ade awak di nyeni o.

¹⁴Ma akes angon ngakeisi di ug hon nohonti bi sren ei nyeni ningonti bikwop njap tekti hagom leu binhyepo nipai doia biningon llei bibor kikau ug bipek nyende niyaijo ningwig honti.

¹⁵Asindui sut ba, nyeni ningon kinei drek dip mun di buhun di cut igkep nye mem ari bingwam mang tu. Gima rino ma asindui sut ba, niyai ningon nggei-hi-nggeisi sur ari bingwam pima nimangti hanyen.

¹⁶Ma asindui sut ba, Ade awak di nyeni ningat ayai munti di bibon ninggap leusi bou nyeni niyai him ba, nyende nintun him yamti di bram yam nya cem ingat Ade nisindemti di mindur brei bou igyai him.

¹⁷Nyende TUHAN Allah e, ma anjei mun di kei binye leu binhyepo nyende midyai nya hagom ngat ningat di kei bibor.