Read Hatam MAZMUR 96 Bible Online

MAZMUR 96 - Hatam bible

MAZMUR 96

¹Ma yahagom iba doia di nijep-jau binggei sut TUHAN! Je di tungwatu dihyeisi dini hagom e, ma jipai doia biNoni!

²Jikwei ba, ipai doia binggei sut Noni. Itri tut nihyet di kei bikwop mmun-njap hagom lewo Noni teu nye bingwes ngun tu.

³Itri tut Nide nikei-kau-keisi bak ngkiai nya kin Nide mindur di nindig bibor nya bak tungwatu nya yahagom.

⁴TUHAN ninyeng jei bibor. Gima rino ma inggei sut Noni nindig bibor bikon ninyeng ei nai dor njiriek kwar nya inyenga.

⁵Ngkiai nya ide mun di ikuk yok bak nya ne kwar he. Noro TUHAN pai tes mpia-bbed him.

⁶Nikei-kau-keisi kin ninyeng di jei biborti bikrop ttai Noni. Nide Ig mpung tut Nide nisindemti kin nidia-diau keisi.

⁷ Je di tungwatu dihyeisi dini hagom e, ma jinggei sut TUHAN. Ma jinggei sut Nide nikei-kau-keisi kin Nide nisindemti!

⁸Ma jinggei sut ninyeng di jei bibor. Jicoi kwei ei Nide Ig bijipwoi mun di jikwas tut Noni.

⁹Ma jijuk sinsun midut ba, jibikuk je biNoni. Je di jidigek kep dihyeisi dini hagom e, ma jinghuisi mpig sut Noni tirigi jikwei ya ei Noho bei!

¹⁰Ma jitri tut bak ngkiai nya “TUHAN ne Nibou Ndig ri! Dihyeisi dini jo nijoti binddong kei lene bit bon ugwa-kwei kan bi. Noni ba ningon di sren bigwam nok nikei mem tungwatu nya.”

¹¹Dihyeisi dini kin mpia-bbed him e, ma jingon llei bibor! Muk ndigsi kin mun di joti nya hagom e, ma jide kru nibimbiti bong!

¹²Miai nya kin njita di ngat ningat eisi nya hagom e, ma jingon llei bibor! Biei bigbehei nya iba ingon di llei bibor bimbos-hi-mbos,

¹³ei mpe dino TUHAN juk kwei leu binhyepo gwam nok Nibou Ndig ei dihyeisi dini. Ninyeng mitak kep tungwatu dihyeisi dini nok nibou di ningon sren-srau ba, ningon gom cem.