Read Hatam MAZMUR 98 Bible Online

MAZMUR 98 - Hatam bible

MAZMUR 98

¹Ma jipai doia di nijep bak TUHAN drek dip Nide niyai munti di bibon ninggap leusi nya! Noni ba Nide ninyeng jeisi kin nisindemti bibindei timek siceu nya tu.

²TUHAN tri tut bipia Noni bindei timek siceu dima bibindo tut Nide niteu nye bingwes ngunti bak ngkiai nya.

³Noni krau kep ningon gomti kin ningon ngakeisi di preu ei mem Nide limwa di mben Israel. Tungwatu nya di igya bidem dihyei nisurti-nipekti yahagom ingat Allah nibindei timek siceu nyati bou igyai him tu.

⁴Tungwatu dihyeisi dini hagom e, ma jimbos-hi-mbos mem TUHAN bijiba ningon di nggei-hi-nggei bipai doia bijibikon ninyenga.

⁵Ma jipai doia nibinggei sut TUHANti ba, jiba nggong mbrei bikon ninyeng cem.

⁶Ma jimiep pun mbrei kin kambir bou nggai ba, jibimbos-hi-mbos mem TUHAN di ide Nibou Ndig.

⁷Muk ndigsi kin mun di joti nya e, ma jide kru nibimbiti bong. Dihyeisi dini kin mun di joti nya e, ma jipai doia.

⁸Minyei pmem nya e, ma jittem jinda. Mbigdip nya e, ma jiba nimbos-hi-mbos bipai doia nibinggei sut TUHAN ei Noho bei.

⁹Lewo TUHAN kwei bigwam nok nikei di ba ningon sren-srausi kin nisingatti bimbus ngkiai nya ingonti.